بھٹکل:13/ دسمبر(ایس اؤنیوز)انجمن ڈگری کالج اینڈ پی جی سنٹر بھٹکل کے 2طلبا والی بال اور فٹ بال میں کرناٹکا یونیورسٹی بلیو منتخب ہوتے ہوئے شہرا ور کالج کا نام روشن کیا ہے۔
کرناٹکا یونیورسٹی کی والی بال ٹیم کے لئے لگاتار دوسری مرتبہ کالج کے طالب علم نوید خان ابن نثار خان اور فٹ بال ٹیم کے لئے محمد رائف ابن رضوان گنگاولی منتخب ہوئے ہیں۔ خیال رہے کہ یونیورسٹی کی کسی بھی اسپورٹس ٹیم کو ریاست کے تمام زونلس کے بہترین کھلاڑیوں کو منتخب کیا جاتاہے۔
کالج طلبا کے یونیورسٹی بلیو منتخب ہونے پر انجمن حامئی مسلمین بھٹکل کے صدر عبدالرحیم جوکاکو ، جنرل سکریٹری صدیق اسماعیل، ایڈیشنل جنرل سکریٹری محمد اسحق شاہ بندری ، کالج سکریٹری جاوید حسین آرمار، پرنسپال مشتاق شیخ، فزیکل ڈائرکٹر کے کلیم اللہ ،اساتذہ اورکالج طلبا نے مبارکبادی پیش کرتے ہوئے نیک خواہشات کا اظہار کیا ہے۔ بھٹکل مسلم یوتھ فیڈریشن کے عہدیداران نے بھی منتخب کھلاڑیوں کو مبارکبادی پیش کی ہے۔