آلوپھینکنے کے معاملے میں ایس پی کارکن گرفتار، سماجوادی پارٹی نے اٹھایاسوال 

Source: S.O. News Service | By Shahid Mukhtesar | Published on 14th January 2018, 11:57 AM | ملکی خبریں |

لکھنؤ، 13جنوری(ایس او نیوز؍آئی این ایس انڈیا) اترپردیش اسمبلی،راج بھون اور دیگر اہم مقامات پر آلو پھینک کے معاملے میں پولیس نے قنوج ضلع کے دو لوگوں کو گرفتار کیا۔ان میں سے ایک آلو کو اپنے لوڈر لانے والا ڈرائیور ہے۔پولیس اس معاملے میں چھ افراد کو تلاش کر رہی ہے۔یہ لوگ سماج وادی پارٹی (ایس پی) کے کارکن ہے اوریہ بات کہی جارہی ہے کہ ان لوگوں نے دارالحکومت کے اہم علاقوں میں آلوکو پھینک کرحکومت کو بدنام کرنے کی نیت تھی۔ اس معاملے میں ایس پی صدر اکھلیش یادو نے شہر کے سینئر پولیس اہلکارکونشانہ بنایا ۔لکھنؤ کے سینئر پولیس سپرنٹنڈنٹ دیپک کمار نے بتایا کہ چھ جنوری کی صبح دارالحکومت کے وی آئی پی علاقوں میں علی الصباح آلوپھینکے گئے تھے۔پولیس نے سب سے پہلے سی ٹی وی کیمرے کی مدد سے آلو پھینک آئے لوڈر کی نشاندہی کی۔اس لوڈرکے مالک اور ڈرائیور کی شناخت قنوج ضلع کے ٹھٹھیا علاقے کے سنتوش پال کے طور پر ہوئی۔سنتوش کی شناخت پر اس معاملے میں قنوج کے تروا چہرہ سنگھ کو حراست میں لیا گیا۔اس معاملے پر سخت رد عمل ظاہر کرتے ہوئے ایس پی سپریمو اکھلیش یادو نے کہا کہ کولڈ اسٹوریج میں آلو برباد ہو رہا ہے، کسانوں نے قرض لیا ہے۔اگر ایس پی کے لوگ کسان ہیں، وہ آلو لائے تو انہوں نے کیا گناہ کیا۔اکھلیش یادونے لکھنؤ کے سینئر پولیس اہلکار کو کٹہرے میں کھڑا کرتے ہوئے کہاکہ ایس ایس پی چور اور مجرموں کو نہیں روک پا رہے ہیں۔ایس ایس پی کے گھر کے پڑوس میں سابق ممبر اسمبلی کے بیٹے کا قتل ہوگیا۔انہوں نے کہاکہ اگر آلو ہمارے لیڈروں نے پھینکا تو کیا غلط کیا۔اب ہم کسانوں سے کہہ رہے کہ ایک بوری آلو ضلع کے ضلع مجسٹریٹ کو دیں۔ حکومت کے اس رویہ سے قانون درست نہیں ہوگا۔جن کوقانون ونظام صحیح کرنا ہو وہ آلو کسانوں کو گرفتار کر رہے ہیں۔

ایک نظر اس پر بھی

آپ کے20ممبران اسمبلی کی رکنیت منسوخ، الیکشن کمیشن نے دیا فیصلہ

الیکشن کمیشن نے منفعت بخش عہدہ معاملے میں دہلی میں حکمران عام آدمی پارٹی کے 20ممبران اسمبلی کو نااہل قرار دیا ہے۔کمیشن اپنی رپورٹ صدر رام ناتھ کووند کو بھیجے گا۔اب سب کی نظریں صدر لگی ہوئی ہیں، جو اس معاملے پر حتمی مہر لگائیں گے۔

پروین توگڑیا کاوشوہندوپریشد سے کوئی تعلق نہیں، سنت سمیلن میں رام مندرپر نہیں آئے گی تجویز: سوامی چنمیانند

وی ایچ پی کے صدر پروین توگڑیا کی طرف سے حکومت پر ان کے خلاف سازش کرنے اور انکاؤنٹر کر نے کی سازش جیسے الزامات کے بعد نہ صرف آر ایس ایس بلکہ وی ایچ پی نے بھی پورے تنازعہ سے خود کو الگ کر لیاہے

مہاتما گاندھی کو’’راشٹریہ پتا‘‘ کہناغلط،شنکرآچاریہ سروپانند کی زبان بے لگام 

اپنے متنازع بیانات کے لئے جانے جانے والے شنکرآچاریہ سوامی سوروپانندنے پھر ایک بار متنازعہ بیان دے کر ایک تنازعہ کو جنم دے دیا ہے۔انہوں نے مہاتما گاندھی کو بابائے قوم کہے جانے پراعتراض کیا ہے۔

حج کا معاملہ مسلمانوں پر چھوڑ دیا جائے،صرف حج سبسڈی روکناامتیازی سلوک،امرناتھ اورکیلاش میں بھی دی جانے والی سبسڈی ختم کی جائے: پاپولر فرنٹ آف انڈیا

مرکزی حکومت کے ذریعہ حج سبسڈی ختم کیے جانے پر، پاپولر فرنٹ آف انڈیا کی سینٹرل سیکریٹریٹ نے ایک بیان جاری کرتے ہوئے کہا کہ حکومت کو چاہئے کہ وہ مذہبی معاملات کو ان کے ماننے والوں پر چھوڑ دے اور ملک و بیرون ملک مختلف مذہبی اعمال پر دی جانے والی تمام مراعات کو ختم کرے۔