بھٹکل پی ایل ڈی بینک کے باہر احتجاج کرنے کے الزام میں پولس نے کیا دو لوگوں کو گرفتار

Source: S.O. News Service | By I.G. Bhatkali | Published on 2nd September 2018, 1:18 AM | ساحلی خبریں |

بھٹکل یکم ستمبر (ایس او نیوز)  بھٹکل پولس نے آج سنیچر شام  کو دولوگوں کو اپنی تحویل میں لے لیا ہے جن پر الزام ہے کہ وہ  کچھ روز قبل بھٹکل کے پی ایل ڈی بینک کے باہر احتجاج کرنے والوں میں شامل تھے۔

خیال رہے کہ پی ایل ڈی بینک کے انتخابات میں   بعض شکست کھانے والے ممبران اور اُن کے حامیوں نے انتخابی آفسر پر   اس بات کا الزام عائد کرتے ہوئے بینک کے باہر احتجاج کیا تھا کہ  عیدالاضحیٰ کی سرکاری چھٹی ہونے کے بائوجود خفیہ طور پر  الیکشن آفسر اور مینجر پی ایل ڈی بینک کے اندر بیٹھ کر انتخابات میں مبینہ ہیراپھیری کے تعلق سے کاغذات تیارکررہے  ہیں۔ احتجاجیوں کو اس بات پر اعتراض تھا کہ سرکاری چھٹی میں یہ لوگ بینک کے اندر کیا کررہے تھے ۔

خیال رہے کہ پی ایل ڈی بینک کے  انتخابات کے اگلے ہی روز کسی ممبر نے انتخابات کو لے کر الیکشن آفسر کو تحریری طور پر اس بات کی جانکاری طلب کی تھی کہ جن لوگوں نے ووٹنگ میں حصہ لیا تھا، اُس کی جملہ فہرست فراہم کی جائے کیونکہ اُنہیں شک ہے کہ  جو لوگ انتخابات کے دن بھٹکل میں موجود نہیں تھے، اُن کے بھی ووٹ ڈالے گئے ہیں۔

احتجاجیوں نے بینک کے باہر جمع ہوکر پہلے بینک کو باہر سے بند کردیا تھا، بعد میں پولس کی مداخلت کے بعد جب بینک کا دروازہ کھولا گیا تو  آفسرکو آڑے ہاتھوں لیا  گیا تھا۔ اس تعلق سے انتخابی آفسر بھاسکر نائک نے پولس تھانہ میں غلط اور بے بنیاد الزامات  عائد کرنے پر اور اُنہیں ڈیوٹی سے روکنے  پر  احتجاجیوں کے خلاف شکایت درج کی تھی۔

بھٹکل ڈی وائی ایس پی ویلنٹائن ڈیسوزا کی ہدایت پر آج سنیچر شام کو ٹائون پولس نے دولوگوں کو اپنی تحویل میں لیا، جن کی شناخت  ائیرپّا نائک اور وینکٹیش نائک کی حیثیت سے کی گئی ہے۔ مزید چھان بین جاری ہے۔

ایک نظر اس پر بھی

منجیشور میں چرچ پر حملے کے خلاف 25اگست کو ہوگی عیسائی تنظیموں کی زبردست احتجاجی ریالی

حال ہی میں منجیشور میں آور لیڈی آف مرسی چرچ پر جو حملہ ہوا تھا اس کے خلاف عیسائی تنظیموں کی جانب سے کیتھولک سبھا کاسرگوڈ زون کے پرچم تلے25اگست کو ایک زبردست احتجاجی ریالی منعقد کی جارہی ہے۔

منگلورو میں ایک بدنام زمانہ دھوکے باز کشمیری اور اس کا ساتھی گرفتار

منگلورو سٹی پولیس کمشنرنے ایک پریس کانفرنس کے دوران بتایا ہے کہ برکے پولیس اسٹیشن کے حدود میں ایک بدنام زمانہ کشمیری دھوکے باز اور اس کے ڈرائیور کو گرفتار کرلیا ہے جس کے بارے میں شبہ ہے کہ وہ بھی کشمیری دھوکے باز کا ساتھی ہوسکتا ہے۔

بھٹکل میں دوبارہ موسلا دھار بارش : شرالی میں گھر کو نقصان

جولائی اور اگست کے وسط تک برسی موسلادھار بارش کے بعد تھوڑی سی راحت ملنےکے بعد پھر سے بارش اپنی رفتار پکڑتی نظر آرہی ہے۔ پچھلے دودنوں سے  برسی بارش کی وجہ سے شرالی میں دیوار گرنےسے گھر کو کافی نقصان پہنچنےکا واقعہ پیش آیاہے۔

بھٹکل سرکاری فرسٹ گریڈ ڈگری کالج میں لکچررس اور عملہ کے تبادلے پر روک: رکن اسمبلی سنیل نائک

بھٹکل تعلقہ کی سرکاری ڈگری کالج میں لکچررس اور عملہ کی قلت ہے۔ یہاں سے جو کوئی کسی دوسرے مقام پر تبادلہ ہوکر گئےہیں انہیں واپس لانے کےلئے ضروری اقدامات کئے جانے کی رکن اسمبلی سنیل نائک نے جانکاری دی۔

شیرور کے کلسٹرل لیول پرتیبھا کارنجی مقابلہ جات میں  توحید پبلک اسکول کے طلبا کا بہترین مظاہرہ

گورنمنٹ ماڈل ہائر پرائمری اسکول شیرور اور محکمہ تعلیمات عامہ بیندور کے اشتراک سے منعقدہ کلسٹر لیول پرتیبھا کارنجی ثقافتی مقابلہ جات  میں توحید پبلک اسکول شیرور کے طلبا نے بہترین مظاہرہ پیش کرتےہوئے 7مقابلہ جات میں اول ، 6میں دوم اور دو مساہموں نے تیسرامقام حاصل کرتےہوئے ...