وارانسی میں مذہبی مقام کی زمین کے سلسلہ میں دو فرقوں کے مابین جھڑپ، کئی زخمی

Source: S.O. News Service | By Shahid Mukhtesar | Published on 17th July 2017, 3:02 PM | ملکی خبریں |

وارانسی،17؍جولائی(ایس او نیوز؍ایجنسی ) اترپردیش میں وارانسی کے صغری علاقہ میں کل رات ایک مذہبی مقام کی زمین کے سلسلے میں دو فرقوں کے مابین ہونے والی پرتشدد جھڑپ کو قابو میں کرنے کیلئے پولیس کو آنسو گیس کے گولے چھوڑنے پڑے اور لاٹھی چارج کرنا پڑا۔ اس واقعہ میں تین پولیس جوانوں سمیت کئی افراد زخمی ہوگئے۔ ڈسٹرکٹ مجسٹریٹ یوگیشور رام مشرا نے آج یہاں بتایا کہ مہاتما گاندھی کاشی ودیاپیٹھ۔ فاطمان روڈ کے آس پاس کچھ شرپسند عناصر کے ذریعہ سماجی ماحول خراب کرنے کی کوشش کی گئی تھی، جسے انتظامیہ نے ناکام بنا دیا۔

انہوں نے بتایا کہ معاملے کی جانچ مجسٹریٹ کے ذریعہ کی جا رہی ہے۔ پولیس سی سی ٹی وی فوٹیج اور دیگر ذرائع سے شرانگیزی کرنے والے افراد کی شناخت کر رہی ہے۔

پولیس ذرائع نے بتایا کہ صغری کے فاطمان روڈ، گلاب باغ اور للاپورہ علاقہ میں دونوں فریقوں کی جانب سے رات گئے پتھربازی اور آتشزنی کے واقعات ہوئے۔ انہوں نے بتایا کہ پرتشدد واقعہ میں تین پولیس جوانوں سمیت ڈیڑھ درجن افراد زخمی ہوگئے۔ اس واقعہ میں کئی گاڑیوں کے شیشے توڑ دیئے گئے۔ حالات پر قابو پانے کیلئے ڈویژنل کمشنر رمیش نتین گوکرن، ڈسٹرکٹ مجسٹریٹ مسٹر مشرا، سینئر پولیس سپرنٹنڈنٹ رام کرشن بھاردواج، پولیس سپرنٹنڈنٹ (سٹی) دنیش سنگھ سمیت تمام اعلی افسر موقع پر پہنچ گئے۔

حکام کی موجودگی میں دونوں فریقوں کے لوگوں کو سمجھانے کی کوشش کی گئی، لیکن کسی نے انتظامیہ کی بات نہیں مانی۔ اس کے بعد پولیس نے طاقت کا استعمال کیا۔ انہوں نے بتایا کہ ایک مذہبی مقام کی زمین پر ایک دوسرے مذہب کے لوگوں کے ذریعہ قبضہ کرنے کی افواہ کے بعد ہنگامہ ہوا۔ سینکڑوں لوگ سڑکوں پر نکل کر نعرہ بازی کرنے لگے۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...