کاروار:05؍فروری (ایس او نیوز)ریاست گوا کی سرحد پر واقع پولم نامی مقام پر جوے کے دلال (او ، سی ) کے طورپر کام کرنے والی  عورت کی دکان پر ضلع کرائم برانچ پولس نے چھاپہ مار کر سنجنا رائکر نامی عورت کو گرفتار کرتے ہوئے 1.35لاکھ روپئے  ضبط کرلئے ہیں۔ اس کے ساتھ ساتھ کاروار میں بھی ایک جوے کے دلال کو گرفتار کرلینے کے بعد کیس درج کرلیا ہے۔

اخبارات میں شائع ہوئی خبر کو لے کر سراغ کے تلاش میں نکلی پولس کوکاروار اور گوا کے پولم میں  کامیابی حاصل ہوئی ہے۔ شہر کے ہائی چرچ روڈ پر ویسٹ کوسٹ وائن شاپ کے قریب  کئی قسم کے جوے کھیلے جانے کی مصدقہ خبر پر ڈی سی بی پولس نے پیر کی علی الصبح  چھاپہ مار کر  کلساروڈ ، وامن آشرم کے مکین گروناتھ ناگپا مڈیوال کو جواکھیلتے ہوئے پکڑاگیا۔ گروناتھ ،پولس نے پوچھ تاچھ کے دوران زبان کھولتے بتایا کہ وہ ایک جوے کا ایجنٹ ہے ، جوے کی رقم جمع کرکے گوا کے پولم کی مکین سنجنا رائکر کو دینے کی بات کہی۔

سراغ پاتے ہی پولس سیدھے گوا کے پولم  ایکسائز چک پوسٹ کے قریب والی سنجنارائکر کی دکان پر چھاپہ مارا تو جوے کے نمبرات والی چٹھیاں ، چار موبائیل اور 135000روپئے نقد ضبط کرلئے۔ دونوں ملزموں پر کیس درج کرلیا گیا ہے۔ ضلع ایس پی ونایک پاٹل کی رہنمائی میں پولس انسپکٹر شرن گوڈاکی قیادت میں پولس عملے نے کارروائی انجام دی۔