سیما گھئی موت معاملہ: علاج میں لاپرواہی برتنے پر فورٹس اسپتال کے 2ڈاکٹر گرفتار

Source: S.O. News Service | By Shahid Mukhtesar | Published on 14th April 2018, 12:11 PM | ملکی خبریں | ان خبروں کو پڑھنا مت بھولئے |

گرگاؤں ،13؍اپریل (ایس او نیوز؍ آئی این ایس انڈیا ) فورٹس اسپتال اور علاج میں لاپرواہی کا چولی دامن کا ساتھ ہو گیا ہے۔علاج میں لاپرواہی برتنے پر پولیس نے گرگرام فورٹس اسپتال کے دو ڈاکٹروں کو گرفتار کیا ہے۔پولیس ان ملزمان کو آج عدالت میں پیش کر ریمانڈ پر لے گی۔ایس آئی ٹی نے سیما گھئی کی موت معاملے میں کارڈیالوجی کنسلٹنٹ ڈاکٹر ایس ایس مورتی اور میڈیکل آفیسر ڈاکٹر وججا ناگارجن کو گرفتار کیا ہے۔ رپورٹ میں کہا گیا ہے کہ انہوں نے ہارٹ اٹیک مریض کو گولی نہیں دی، جس کی وجہ سے ان کی موت ہوئی۔قابل ذکر ہے کہ مئی، 2017میں سیما گھئی کو دل کا دورہ پڑا تھا۔جس کے بعد گھر والے انہیں فورٹس اسپتال لے کر آئے تھے۔وہاں پر ڈاکٹروں کی لاپرواہی کی وجہ سے تڑپ رہی سیما گھئی کا وقت پر علاج ہی شروع نہیں کیا گیا جس کی وجہ سے ان کی موت ہو گئی تھی۔سیما کے اہل خانہ نے اس معاملے پر ایکشن لیتے ہوئے محکمہ صحت کے میڈیکل نیگلیجنس بورڈ کو شکایت کی۔بورڈ نے معاملے میں جانچ کرائی جس میں اسپتال کے دو ڈاکٹر ڈاکٹر ایس ایس مورتی اور ڈاکٹر وی ناگارجن کی لاپرواہی سامنے آئی۔اتنا ہی نہیں مریض کی طبی رپورٹ کو بھی ٹھیک طریقے سے نہیں دیکھا گیا۔بورڈ کی رپورٹ کے بعد سوشانت لوک پولیس اسٹیشن میں دونوں ڈاکٹروں کے خلاف ایف آئی آر درج کر لی گئی تھی۔جس کے بعد آج ان دونوں کو گرفتار کر لیا گیا ہے۔

ایک نظر اس پر بھی

سابق وزیر اعظم اٹل بہاری واجپئی کی حالت نازک، ایمس میں لائف سپورٹ سسٹم پر ہیں واجپئی

سابق وزیر اعظم اٹل بہاری واجپئی کی صحت زیادہ خراب ہونے کی وجہ سے انہیں لائف سپورٹ سسٹم پر رکھا گیا ہے۔ گزشتہ 9 ہفتوں سے ایمس میں زیر علاج سابق وزیر اعظم اٹل بہاری واجپئی کی حالت کل اچانک بگڑ گئی ۔

کیرالہ : ایک دن میں 27 اموات ، کوچی ائیر پورٹ بند کردیا گیا ، وزیر اعظم کی ہر ممکن مدد کی یقین دہانی

یرالہ میں سیلاب اور لینڈ سلائڈ سے مرنے والوں کی تعداد 47 تک پہنچ گئی ہے۔ خبروں کے مطابق صرف بدھ کو شدید بارش ، لینڈ سلائڈ اور سیلاب سے وابستہ واقعات میں 27 افراد کی جانیں تلف ہوگئیں جبکہ ہزاروں افراد کو محفوظ مقامات پر منتقل کیا گیا ۔

بھٹکل میونسپل پارک کی تجدیدکاری میں بدعنوانی کا الزام۔ ڈپٹی کمشنر کے نام میمورنڈم

بھٹکل بلدیہ کے حدود میں بندر روڈ پر واقع سردار ولبھ بھائی پٹیل پارک کی تجدید کاری میں بدعنوانی کا الزام لگاتے ہوئے  آسارکیری کے عوام  نے بلدیہ انجینئر کو پارک میں طلب کرکے ڈپٹی کمشنر کے نام میمورنڈم دیا جس میں مطالبہ کیا گیا ہے کہ یہاں ہورہی بدعنوانی کی تحقیقات کروائی جائے۔

گنگولی سمندر میں ڈوب کر لاپتہ ہونے والے بھٹکل کے ماہی گیر کی آج برآمد ہوئی نعش

پڑوسی ضلع اُڈپی کے گنگولی سمندر میں ڈوب کر لاپتہ ہونے والے بھٹکل کے ایک ماہی گیر کی نعش آج کنداپور تعلقہ کے گوپاڑی نامی مقام سے برآمد ہوگئی ہے۔ ماہی گیر کی شناخت منجوناتھ موگیر (32) کی حیثیت سے کی گئی ہے۔

روپے کی قیمت میں گراوٹ پر کانگریس نے مودی کو بنایا ہدف تنقید؛ کہا کانگریس نے 70 سالوں میں جو نہیں کیا تھا وہ بی جے پی نے کردکھایا

امریکی ڈالر کے مقابلے روپے کی قیمت میں زبردست گراوٹ کے سلسلے میں کانگریس نے وزیراعظم نریندر مودی پر طنز کرتے ہوئے کہا کہ ہندوستانی تاریخ میں یہ پہلا موقع ہے جب ایک ڈالر کی قیمت 70 روپے کے قریب پہنچ گئی ہے۔

بھٹکل کے بیلنی علاقے میں قربانی روکنے کا مطالبہ ۔پولس کو سونپا گیا میمورنڈم

بیلنی علاقے کے کچھ ہندوؤں نے بھٹکل ڈپٹی سپرنٹنڈنٹ آف پولیس کو ایک میمورنڈم دیتے ہوئے مطالبہ کیاہے ہندوؤں کے مندروں اور مقدس مقامات سے گھرے ہوئے اس علاقے میں جانوروں کی قربانی کرنے پر روک لگائی جائے۔