کاروار18/جولائی (ایس او نیوز) ضلع اُترکنڑا کے یلاپور تعلقہ کے  ڈونڈیان کوپّا میں  دوکسان اُس وقت ہلاک ہوگئے جب وہ  منگل شام کو کھیتوں میں کام کاج نپٹا کر واپس گھر جارہے تھے کہ اچانک راستے پر پڑی برقی تار  پر ان کے قدم پڑ گئے۔

بتایا گیا ہے کہ  راستے پر پہلے سے ہی برقی تار گری ہوئی تھی، جب یہ دونوں کسان گھر جارہے تھے تو الیکٹرک  وائر  کو چھوتے ہی دونوں  وہیں گر کر ہلاک ہوگئے۔ ان کی شناخت سبرائے گوپال بھٹ (60) اور گوپال کرشنا رام چندر ہیگڈے  (50) کی حیثیت سے کی گئی ہے۔

یلاپور پولس تھانہ میں معاملہ درج کیا گیا ہے۔

خیال رہے کہ بارش کے موسم میں اکثر علاقوں میں بجلی کی تاریں گرتی رہتی ہیں، عوام کو چاہئے کہ وہ چوکسی برتیں اور کہیں پر بھی برقی تار نیچے گری ہوئی پائی جانے کی صورت میں خود بھی بچیں بلکہ دوسروں کو بچانے کے لئے فوری طور پر محکمہ الیکٹری سٹی کے دفتر یا ااہلکار کو فون کرکے خبر بھی دیں، تاکہ  جلد سے جلد  بجلی  کو  آف کیا جاسکے ۔