ٹیوٹر پر گمراہ کن خبر، آر ایس ایس کے حملے کو سی پی ایم حملہ قرار دینے کی کوشش مہنگی پڑی

Source: S.O. News Service | By Jafar Sadique Nooruddin | Published on 19th May 2017, 2:51 AM | ریاستی خبریں |

بنگلورو:18/مئی(ایس او نیوز) ریاست سے منتخب رکن راجیہ سبھا اور کیرلا کے ایشیا نیٹ چینل کے مالک راجو چندرشیکھر مصیبت میں پھنس گئے ہیں۔کنور میں آر ایس ایس کارکنوں کی طرف سے ایک ایمبولنس پر حملہ کی خبر کو توڑمروڑ کر ٹیوٹر پر انہوں نے ایمبولنس پر سی پی ایم کا رکنوں کا حملہ قرار دیاتھا۔ اسی خبر کو نئے نیوز چینل ریپلک ٹی وی نے بھی دکھایا۔اسی بنیاد پر ایشیا نیٹ اور ریپبلک ٹی وی کے خلاف تعذرات ہند کی دفعہ 153Aکے تحت فوجداری مقدمہ دائر کرنے کیلئے ایف آئی آر درج کیاگیا ہے۔ آر ایس ایس کے اس حملے کو کمیونسٹ پارٹی کارکنوں کا حملہ قرار دیتے ہوئے راجو چندر شیکھر نے جو ٹیوئٹ کیاتھا اسی کی بنیاد پر پولیس نے یہ کارروائی شروع کی ہے۔ حملہ میں ایک مریض کو ایمبولنس کے ذریعہ یہاں کے پریارم میڈیکل کالج میں داخل کیاجارہاتھاکہ آر ایس ایس کارکنوں کے ایک بڑے گروپ نے اس ایمبولنس پر حملہ کیا اور ڈرائیور کو زخمی کردیا۔ کنور میں ایمبولنس ڈرائیوروں نے اس حملہ کے خلاف احتجاجی مظاہرہ بھی کیا۔ سی سی ٹی وی مناظر کی بنیاد پر پولیس نے یہ نتیجہ اخذ کیا کہ یہ حملہ آر ایس ایس کارکنوں نے کیا ہے، لیکن راجو چندر شیکھر نے اپنے چینلوں پر یہ خبر اڑائی کہ یہ حملہ سی پی ایم کارکنوں نے کیا ہے۔ اس سلسلے میں کیرلا ریاستی بی جے پی صدر راج شیکھرن کے خلاف بھی اس سلسلے میں مقدمہ درج کیاگیا ہے۔دفعہ153A کے تحت ان پر سماج میں منافرت پھیلانے کا مقدمہ درج کیاگیا ہے۔

ایک نظر اس پر بھی

ہبلی :پٹاخوں سے گھر میں لگی آگ ، کئی اشیاء جل کر خاک : کوئی جانی نقصان نہیں

دیوالی کے موقع پر پٹاخوں کو پھوڑنے کو لےکر سرکاری و غیر سرکاری طورپر احتیاطی تدابیر اختیار کرنےکے سلسلےمیں کئی احکامات جاری کئے جاتےہیں اور رہنمائی کی جاتی ہے لیکن اس کے باوجو د ہر سال پٹاخوں سے جانیں تلف ہونے  بچوں کی بینانی متاثر ہونے   پر سماجی ذمہ داران تشویش کا اظہار ...

وزیر اعلیٰ عہدے کے امیدوار کا اعلان نہ ہونے کی کانگریس کی انتخابی امید پر کوئی اثر نہیں ہوگا: جی پرمیشور

کرناٹک ریاستی کانگریس نے آج یہاں کہا کہ اسمبلی انتخابوں سے پہلے ریاست میں وزیر اعلیٰ عہدہ کے امید وار کے نام کا اعلان نہیں کئے جانے سے پارٹی کی امیدوں پر اس کاکوئی اثرنہیں پڑے گا۔