لیرہ کے بحران نے دوحہ اور انقرہ کے درمیان کھوکھلے تعلق کا پول کھول دیا

Source: S.O. News Service | By Shahid Mukhtesar | Published on 16th August 2018, 11:32 AM | عالمی خبریں |

دبئی ،16اگست (ایس او نیوز؍آئی این ایس انڈیا) ترکی کی کرنسی لیرہ کے حالیہ بحران کے ذریعے دوحہ اور انقرہ کے درمیان کمزور تعلق کی حقیقت سامنے آ گئی ہے اور دونوں ملکوں کے ملاپ میں ایک بڑی دراڑ کا انکشاف ہوا ہے۔ ترکی کے میڈیا نے بھی یہ بات باور کرائی ہے کہ کرنسی کو درپیش بحران میں انقرہ کی مدد کے حوالے سے قطر تذبذب کا شکار ہے۔

ترکی کے صدر کے ایک مقرّب اخبار "تقويم" نے دوحہ کے موقف پر کڑی نکتہ چینی کرتے ہوئے اس بات پر روشنی ڈالی ہے کہ کس طرح سے دوحہ نے اپنے حلیف ایردوآن کو پیٹھ دکھا دی۔ یہ وہ ہی ایردوآن ہیں جنہوں نے چار ملکی عرب بائیکاٹ کے موقع پر قطر کو تمام تر سپورٹ پیش کی تھی۔

اخبار کے مطابق انقرہ کے خلاف امریکی پابندیوں کے سبب جنم لینے والے بحران کے حوالے سے "قطر کی خاموشی" کی وجہ سے تُرکوں پر مایوسی کے بادل چھا گئے ہیں۔

اخبار نے دوحہ پر کی جانے والی ترکی کی نوازشوں کو شمار کرتے ہوئے بتایا کہ ترکی نے قطر کے لیے درجنوں کارگو پروازیں چلائیں اور بائیکاٹ کے دوران دوحہ کے ساتھ کھڑا ہوا تاہم جواب میں ترکی کو سوائے مایوسی کے کچھ نہ ملا۔ قطر نے اس موقع پر مطلوب سیاسی اور انسانی سپورٹ بھی پیش نہ کی۔

اخبار نے استفسار بھی کیا کہ : "کیا احسان کا بدلہ یوں ہی دیا جاتا ہے؟".

ترکی کے صدر ایردوآن نے قطر کے امیر کے ساتھ ٹیلفون پر رابطہ بھی کیا تا کہ بحران سے بچاؤ کے لیے دوحہ کا سہارا لیا جا سکے تاہم ترک ایوان صدارت نے بات چیت پر پردہ ڈال دیا۔

واضح رہے کہ رواں برس کے آغاز سے اب تک ترکی کی کرنسی لیرہ کی قدر میں 40% تک کمی آ چکی ہے۔

ایک نظر اس پر بھی

سلسلہ وار بم دھماکوں کے بعد سری لنکا میں بھی لگ سکتی ہے برقع پر پابندی!

سری لنکا میں ایسٹر حملوں کے بعد اب وہاں کی حکومت برقع پر پابندی عائد کرنے کا منصوبہ بنا رہی ہے۔ حملوں کے بعد سے سری لنکا کے مسلمان خوف ودہشت کے سائے میں اپنی زندگی گزار رہے ہیں اور اب یہ خبر سامنے آئی ہے کہ وہاں برقع پر پابندی لگ سکتی ہے۔ اتوار یعنی 21 اپریل کو یہاں ہوئے سلسلہ ...

سری لنکا بم دھماکوں سے دہل گیا ؛ تین ہندوستانیوں کے بشمول 215 افراد ہلاک، 400 سے زائد زخمی

سری لنکا میں عیسائیوں کے بڑے تہوار ایسٹر کے موقع پر  ہوئے آٹھ بم دھماکوں میں 215 لوگ ہلاک ہوگئے ہیں جبکہ چار سو سےزائد افراد زخمی ہوئے ہیں۔ میڈیا  رپورٹوں کے مطابق  عین تہوار کے موقع پر  تین  گرجا گھروں اور 3 ہوٹلوں میں دھماکے کئے گئے ہیں   جس کے بعد   ملک بھر میں کرفیو نافذ ...

ایس بی آئی برطانیہ میں قانونی جنگ میں ٹیکس دہندگان کا پیسہ برباد کر رہا ہے : مالیا 

مسائل میں گھرے شراب کاروباری وجے مالیا نے ایک بار پھر سے قرض لوٹانے کی پیشکش اپنی بات دہرانے کے لئے سوشل میڈیا کا سہارا لیا ہے۔ انہوں نے SBI پر بھارتی ٹیکس دہندگان کا پیسہ برطانیہ میں مقدمے پر برباد کرنے کا الزام لگایا۔ برطانیہ کے ہائی کورٹ نے 63 سالہ مالیا کے لندن کے بینک اکاؤنٹ ...

تھائی لینڈ میں نوجوان جرمن خاتون سیاح کا ریپ کے بعد قتل

تھائی لینڈ میں جرمنی سے تعلق رکھنے والی ایک نوجوان خاتون سیاح کو ریپ کے بعد قتل کر دیا گیا۔ تھائی پولیس نے ایک مبینہ ملزم کو گرفتار کر لیا ہے، جس نے اس چھبیس سالہ سیاح کو ریپ کے بعد قتل کرنے کا اعتراف بھی کر لیا ہے۔تھائی لینڈ کے دارالحکومت بنکاک سے پیر آٹھ اپریل کو ملنے والی جرمن ...

جنگ مسلط کردہ یمن میں ہیضہ کی وبا، ویکسین رسائی کی منتظر

جنگ زدہ ملک یمن میں ہیضے کی ہلاکت خیز وبا کئی ملین افراد کو متاثر کر چکی ہے لیکن اقوام متحدہ کے اہلکاروں کو اب تک ادویات پہنچانے کی اجازت نہیں مل پائی۔یمن میں لاکھوں افراد ہیضے کے مرض میں مبتلا ہیں اور اب بھی ہر روز ہزاروں نئے کیسز سامنے آ رہے ہیں۔ سن 2017 کے موسم گرما میں اقوام ...