دمشق،13؍اکتوبر(ایس او نیوز؍آئی این ایس انڈیا)شام کے حالات و واقعات پر نگار رکھنے والے مبصر ادارے سیریئن آبزرویٹری برائے انسانی حقوق نے بتایا ہے کہ شام کے شمال مغربی صوبے اِدلب میں ترکی کی فوج داخل ہو گئی ہے۔ اِدلب پر انتہا پسند جہادیوں کا کنٹرول ہے۔ آبزرویٹری کے مطابق ترک فوج اِدلب سے گزرتی ہوئی حلب کے مغربی حصے تک پہنچ سکتی ہے۔ ترک حکام نے اِدلب میں اپنی فوج کی جمعرات بارہ اکتوبر سے شروع ہونے والی پیش قدمی پر کوئی تبصرہ نہیں کیا ہے۔ گزشتہ پیر کو البتہ یہ کہا گیا تھا کہ ترک فوج شام کے شمال مغربی حصے میں نگرانی کی پوسٹیں قائم کرنا چاہتی ہے۔ اسی طرح ترک صدر رجب طیب ایردوآن بھی کہہ چکے ہیں کہ ترکی کے حامی باغی شام میں عسکری مہم کی قیادت کریں گے۔