عفرین میں ترک فوج کے خلاف کرد ملیشیا کی کامیابی کا دعویٰ
استنبول/ دمشق 22جنوری(ایس او نیوز؍آئی این ایس انڈیا )شام کے حالات پر نگاہ رکھنے والے مبصر گروپ سیریئن آبزرویٹری فار ہیومن رائٹس نے تصدیق کی ہے کہ کْرد جنگجْوؤں نے ترک فوج کے قبضے سے کچھ چوکیوں کو واپس اپنے کنٹرول میں لے لیا ہے۔ آبزرویٹری کے مطابق ترک فوج کے حملوں میں اب تک اکیس افراد کی ہلاکت ہوئی ہے اور اِن میں چھ بچے بھی شامل ہیں۔ قبل ازیں شامی کردوں کی جانب سے دعویٰ کیا گیا تھا کہ عفرین میں بعض مقبوضہ چوکیوں سے ترک فوج کو پیچھے ہٹا دیا گیا ہے۔ کرد میڈیا سینٹر کے مطابق ایک خصوصی آپریشن کے دوران یہ کامیابی حاصل کی گئی اور اس دوران نصف درجن ترک فوجی بھی مارے گئے ہیں۔