ترکی ، ایران اور عراق کی کردستان میں ریفرینڈم پر جوابی اقدامات کی دھمکی

Source: S.O. News Service | By Shahid Mukhtesar | Published on 22nd September 2017, 5:55 PM | عالمی خبریں |

نیویارک ،22؍ستمبر(ایس او نیوز؍آئی این ایس انڈیا)ترکی ،ایران اور عراق نے خود مختار علاقے کردستان پر زوردیا ہے کہ وہ مجوزہ آزادی ریفرینڈم سے دستبردار ہوجائے۔ان تینوں ممالک نے دھمکی دی ہے کہ اگر اس کے باوجود کردستان میں استصواب رائے کا انعقاد ہوتا ہے تو پھر اس کے خلاف غیر حتمی جوابی اقدامات کیے جائیں گے۔

ان تینوں ممالک کے وزرائے خارجہ نے نیو یارک میں اقوام متحدہ کی جنرل اسمبلی کے سالانہ اجلاس کے موقع پر ملاقات کی ہے اور اس میں کردستا ن میں 25 ستمبر کو ہونے والے مجوزہ ریفرینڈم کے مضمرات کے حوالے سے تبادلہ خیال کیا ہے۔ترکی اور ایران کو یہ تشویش لاحق ہے کہ شمالی عراق میں کردستان کی آزاد ریاست کے قیام کی صورت میں ان کی اپنی کرد اقلیتیں بھی آزادی کا ایسا مطالبہ کرسکتی ہیں یا اس آزاد کردستان میں شامل ہوسکتی ہیں جبکہ بغداد حکومت اس کو ملکی سلامیت کے خلاف قرار دے رہی ہے اور وہ اس کی سخت مخالفت کررہی ہے۔

ترکی کی وزارت خارجہ کی جانب سے وزرائے خارجہ کے اجلاس کے بعد جاری کردہ بیان کے مطابق ’’ تینوں ممالک نے عراق کی علاقائی سالمیت کے عزم کا اعادہ کیا ہے اور ریفرینڈم کی دوٹوک انداز میں مخالفت کی ہے‘‘۔ تینوں ممالک نے مشترکہ طور پر جوابی اقدامات زیر غور لانے سے اتفاق کیا ہے۔تینوں وزرائے خارجہ نے ریفرینڈم کو غیر آئینی قرار دیا ہے اور کہا ہے کہ اس سے خطے میں نئے تنازعات شروع ہوجائیں گے اور ان سے عراق کے کردوں کو بھی کچھ فائدہ نہیں پہنچے گا۔انھوں نے مزید کہا ہے کہ اس ریفرینڈم سے عراق کی داعش کے خلاف حالیہ جنگی کامیابیاں بھی خطرات سے دوچار ہوجائیں گی۔

امریکا بھی اس آزادی ریفرینڈم کی سخت مخالفت کررہا ہے اور اس نے خبردار کیا ہے کہ اگر عراقی کرد ریفرینڈم کراتے ہیں تو وہ ان کی بغداد کے ساتھ بہتر ڈیل کے لیے مذاکرات میں کوئی مدد نہیں کرسکے گا۔ترکی میں کرد علاحدگی پسندوں نے گذشتہ تین عشروں سے شورش برپا کررکھی ہے۔ وہ اس سے پہلے خبردار کرچکا ہے کہ و ہ جنگ زدہ شام میں کردوں کے لیے کوئی ریاست قائم نہیں ہونے دے گا۔نیویارک میں ترک صدر رجب طیب ایردوآن نے عراقی کردوں سے ریفرینڈم سے دستبردار ہونے کا مطالبہ کیا ہے۔انھوں نے یہ بھی اشارہ دیا ہے کہ اگر اس کے باوجود وہ استصواب رائے منعقد کراتے ہیں تو اس کے نتائج وعواقب انھیں بھگتنا ہوں گے۔

انھوں نے اقوام متحدہ کی جنرل اسمبلی میں خطاب کرتے ہوئے کہا کہ ’’ آزادی کے لیے مطالبات ایسے اقدامات سے خطے میں نئے بحران اور تنازعات جنم لے سکتے ہیں اور ان سے بچا جانا چاہیے‘‘۔ترکی نے عراق کی سرحد کے ساتھ سوموار کو ایک فوجی مشق کی تھی۔اس میں ٹینکوں سمیت ایک سو گاڑیوں نے حصہ لیا تھا۔ترک میڈیا کی رپورٹ کے مطابق فوجی مشق جمعرات کو مسلسل چوتھے روز بھی جاری تھی۔

ایک نظر اس پر بھی

ماسکو کنسرٹ ہال حملے میں 143ہلاکتیں

روس کے دارالحکومت ماسکو میں ایک کنسرٹ ہال پر جمعہ کو ہونے والے حملے میں مرنے والوں کی تعداد بڑھ کر 143 ہوگئی ہے جبکہ 100 سے زائد افراد زخمی ہیں۔روس کی تحقیقاتی کمیٹی نے ہفتے کے روز یہ اطلاع دی۔ کمیٹی نے کہا کہ ایمرجنسی سروسز ماسکو اوبلاست میں کروکس سٹی ہال، دہشت گردانہ حملے کی جگہ ...

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...