انقرہ30اپریل(ایس او نیوز/آئی این ایس انڈیا)آن لائن انسائیکلوپیڈیا وکیپیڈیا کو ترکی میں بند اس لیے کیا گیا کیونکہ اس کی ویب سائٹ پر موجود کچھ مواد میں یہ الزام عائدکیاگیاہے کہ ترکی دہشت گرد تنظیموں کی حمایت کرتا ہے۔ یہ اعلان آج اتوار کے روز ترک ٹیلی کمیونیکیشن اتھارٹی کی جانب سے کیا گیا۔ اتھارٹی نے ایک ٹوئٹر پیغام میں لکھا ہے کہ تمام تر کوششوں کے باوجود غلط الزام لگانے والا مواد ویب سائٹ سے ہٹایا نہیں گیا۔ ترک حکام نے وکیپیڈنا کی انتظامیہ سے مطالبہ کیا ہے کہ وہ متنازعہ مواد کو انٹرنیٹ سے ہٹانے کے لیے اقدامات کرے۔ ترکی کی طرف سے وکیپیڈیا پر پابندی پر کئی حلقوں کی طرف سے تنقید کی جا رہی ہے۔