ترکی میں کرد نواز جماعت کے قیام میں خانہ جنگی لانے کی مغربی کوشش
انقرہ 12فروری (ایس او نیوز؍آئی این ایس انڈیا )مغربی میڈیا کے مطابق شاخ زیتون آپریشن سے چراغ پا ترکی میں کرد نواز جماعت ’ایچ ڈی پی‘ نے اپنی نئی قیادت کے طور پر دو افراد کا انتخاب کر لیا ہے۔ ذرائع نے بتایا کہ انقرہ میں ہونے والے ایک پارٹی اجلاس میں تقریباً آٹھ سو کارکنوں نے ایچ ڈی پی کی باگ ڈور رکن پارلیمان پروین بلدان اور اقتصادیات کے پروفیسرسیزائی تیمیلی کے سپرد کرنے کا فیصلہ کیا۔ یہ دونوں صلاح الدین دیمیرتاس کے جانشین ہوں گے، جو گزشتہ پندرہ ماہ سے زیر حراست ہیں۔ ترک صدر رجب طیب ایردوآن ایچ ڈی پی کی قیادت پر کرد دہشت گردوں کی پشت پناہی کے الزامات عائد کرتے ہیں۔ ترکی میں اس جماعت کے متعدد کارکن پہلے ہی جیلوں میں قید ہیں۔