تری پورہ اسمبلی الیکشن کے لئے تمام تیاریاں مکمل؛کل ہوگی ووٹنگ
اگرتلہ 17فروری(ایس او نیوز؍آئی این ایس انڈیا)تری پورہ میں اسمبلی کے انتخابات کے لیے تمام تیاریاں مکمل ہو چکی ہیں۔جمعہ کو انتخابی مہم ختم ہونے کے بعد،اتوار کے روز سب کی نگاہیں اب ووٹنگ پرہیں۔دراصل، تری پورہ میں کل یعنی اتوار کو انتخابات ہونے ہیں اور بھارتیہ جنتا پارٹی ان انتخابات میں حکمران بائیں محاذ کے سامنے اہم دعویدار کے طور پر ابھر رہی ہے۔بایاں محاذ گزشتہ 25سالوں تک ریاست میں اقتدارمیں ہے۔کل اسمبلی کے حلقوں میں سے60میں سے 59حلقوں میں کل پولنگ ہوگی ۔چریلم اسمبلی سیٹ سے سی پی ایم کے امیدوار رامیدر نارائن دیب برما کی پانچ دن پہلے ہوئی موت کی وجہ اس سیٹ پر الیکشن 12مارچ کوہوگا۔قبائلیوں کے لیے20نشستیں محفوظ ہیں۔وزیر اعظم نریندر مودی کی طرف سے ریاست میں چار ریلیوں سے خطاب کئے جانے کے ساتھ ہی بی جے پی نے یہاں جم کر اشتہاربازی کی ہے۔اس مہم میں بھگوا پارٹی کے قومی صدر امت شاہ، مرکزی وزیر را ج ناتھ سنگھ، ارون جیٹلی، نتن گڈکری اوراسمرتی ایرانی اور اتر پردیش کے وزیراعلیٰ یوگی آدتیہ ناتھ جیسے بڑے لیڈران شامل ہوئے ہیں۔پانچویں بار وزیراعلیٰ بننے کی دوڑ میں شامل مانک سرکار نے سی پی ایم کی انتخابی مہم کی قیادت کرتے ہوئے ریاست میں تقریباََ 50ریلیوں سے خطاب کیا۔دوسری طرف بائیں محاذکے سیتارام یچوری اور برندا کرات نے پارٹی کی مہم کی بھی حمایت کی۔کانگریس کی مہم تھوڑی ہلکی تھی۔پارٹی کے صدر راہل گاندھی نے مہم کے آخری دن کے دوراناوناکوٹ میں ایک ریلی سے خطاب کیا۔ان انتخابات میں مجموعی طور پر 307امیدوار دوڑمیں ہیں۔سی پی ایم 57سیٹوں پرانتخابات لڑرہی ہے جبکہ دیگر لیفٹ پارٹیاں آر ایس پی، فارورڈ بلاک اور سی پی آئی نے ایک ایک نشست پر امیدوار اتارا ہے۔کانگریس59نشستیں مقابلہ کررہی ہے۔ووٹنگ3214پولنگ اسٹیشنوں پر صبح 7بجے سے 4بجے ہو گی۔اور ووٹوں کی گنتی3مارچ کوہوگی۔