تمل ناڈو کے سیلم ضلع میں زلزلہ کے معمولی جھٹکے
کوئمبٹور :22/جولائی(ایس او نیوز/آئی این ایس انڈیا)تمل ناڈو میں سلیم ضلع کے کئی حصوں میں آج 3.3 شدت کا زلزلہ آیا جس سے خوف زدہ ہوکر لوگ سڑکوں پر نکل آئے۔حکام نے بتایا کہ زلزلے سے کسی طرح کے جان و مال کے نقصان کی خبر نہیں ہے۔انہوں نے بتایا کہ صبح قریب سات بج کر 50 منٹ پر توتی پتی ، اما پٹئی ، اوملور، تھرامنگلم اور کنن گوریچی میں کچھ سیکنڈ تک زلزلے کا ہلکا جھٹکا محسوس کیا گیا۔حکام نے کہا کہ میتورپشتہ اور اس کے ارد گرد بھی جھٹکا محسوس ہوا۔اس کے علاوہ دھرم پوری ضلع میں بھی کچھ جگہوں پر زلزکہ کا جھٹکا محسوس کیا گیا۔