لنگایت طبقہ ایک علیحدہ مذہب: ایم بی پاٹل

Source: S.O. News Service | By Jafar Sadique Nooruddin | Published on 26th July 2017, 1:25 AM | ریاستی خبریں |

بنگلورو:25/ جولائی(ایس او نیوز) ریاستی وزیر برائے آبی وسائل ایم بی پاٹل نے لنگایت طبقے کو علیحدہ مذہب کا درجہ دئے جانے کے مطالبہ کی حمایت کرتے ہوئے اس سلسلے میں اڈپی کے پیجاور مٹھ کے سربراہ وشویشور تیرتھا سوامی کے اس بیان کی مذمت کی ہے جس میں انہوں نے کہاہے کہ ہندومذہب کے ٹکڑے نہ کئے جائیں۔ اخباری نمائندوں سے بات چیت کرتے ہوئے انہوں نے کہاکہ یہ لنگایتوں کا اپنا مسئلہ ہے اس میں دوسرے مذہب کے لوگوں کی مداخلت برداشت نہیں کی جائے گی۔ انہوں نے کہاکہ بدھ اور سکھ مذاہب کی مانند بسوا مذہب بھی ایک عالمی مذہب ہے، آر ایس ایس کے حمایت یافتہ لوگ اس معاملہ سے اگر دور ہی رہیں تو بہتر ہے۔انہوں نے کہاکہ ریاستی بی جے پی صدر جو خود کو لنگایت طبقے کا بہت بڑا رہنما بتاتے ہیں ان کا لنگایتوں سے کوئی تعلق نہیں ہے، جب تک کہ وہ یہ تسلیم نہ کریں کہ لنگایت بروئے  مکتب فکر ایک الگ مذہب ہے۔ انہوں نے کہا کہ آر ایس ایس کے دباؤ میں آکر یڈیورپانے ہمیشہ سے اپنے مذہب کے ساتھ دغا کیا ہے اس طبقے کی فلاح وبہبود کیلئے اقتدار پر رہتے ہوئے بھی انہوں نے کچھ نہیں کیا۔ وزیر اعلیٰ سدرامیا پر ہندومذہب کو توڑنے کے الزامات کو بے بنیاد قرار دیتے ہوئے ایم بی پاٹل نے کہاکہ سدرامیا نے کبھی کسی مذہب میں دراڑ ڈالنے کی کوشش نہیں کی۔ لنگایت طبقے کو علیحدہ مذہب کا درجہ دینے آج ہی نہیں،بلکہ اس سے پہلے بھی بارہا مطالبہ کیا گیا۔ ویراشیوا مہاسبھا کی طرف سے صرف وزیر اعلیٰ سدرامیا سے نمائندگی کی گئی ہے نہ کہ وزیر اعلیٰ سدرامیا نے یہ معاملہ اٹھایا ہے، لیکن کچھ لوگ اس معاملے میں سدرامیا کو غیر ضروری طور پر گھسیٹنے کی کوشش میں لگے ہوئے ہیں۔ ایم بی پاٹل نے کہاکہ بحیثیت لنگایت ان کا بھی ماننا ہے کہ لنگایت طبقے کو الگ مذہب کا درجہ ملنا چاہئے، اس سے اس طبقے کو اور بھی سہولیات حاصل کرنے میں مدد ملے گی، خاص طور پر جب اسے الگ طبقہ تسلیم کرلیا جائے تو بحیثیت اقلیت وہ سرکاری سہولیات اپنے غریبوں تک پہنچا سکتا ہے، لیکن آر ایس ایس اور ہندو توا طاقتیں لنگایت طبقے کو ان سہولیات سے محروم کرنا چاہتی ہیں۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔