بھٹکل میں ٹرین کی ٹکر سے نوجوان ہلاک

Source: S.O. News Service | By I.G. Bhatkali | Published on 14th June 2018, 2:38 PM | ساحلی خبریں |

بھٹکل 14/جون (ایس او نیوز)  تعلقہ کے سرپن کٹہ کے قریب سوڈی گیدے کراس ریلوے ٹریک پر منگل کو پیش آئے ایک حادثہ میں ایک نوجوان کے چیتھڑے اُڑ گئے جب ریلوے پٹری کراس کرنے کے دوران وہ تیز رفتار ٹرین کی زد میں آگیا۔

نوجوان کی شناخت رادھا کرشنا کوپّا گونڈا (22) کی حیثیت سے کی گئی ہے، جو بھٹکل کے تلاند کا رہنے والا تھا۔

ذرائع نے بتایا کہ نوجوان ذہنی مریض تھا اور اُس کا  شموگہ میں علاج جاری تھا، گذشتہ کچھ دنوں سے وہ سرپن کٹہ میں اپنی  بہن کے ساتھ رہ رہا تھا۔ بتایا گیا ہے کہ اپنی دھن میں مست یہ نوجوان ریلوے پٹری کراس  کررہا تھا کہ اس  دوران مینگلور سے گوا جانے والی  مسافر ٹرین  اس سے  تیز رفتاری کے ساتھ  ٹکراگئی۔ نوجوان کی موقع پر ہی موت ہوگئی جبکہ اس کے جسم کے چیتھڑے  دور دور تک بکھرے پڑے تھے۔

اطلاع ملتے ہی بھٹکل سرکل پولس انسپکٹر ایل گنیش ، مضافاتی پولس تھانہ  کے پی ایس آئی روی سمیت دیگر پولس اہلکار موقع پر پہنچے اور ضروری کاروائیوں کے بعد نعش کو بھٹکل سرکاری اسپتال پہنچایا، جہاں پوسٹ مارٹم کے بعد نعش کو گھروالوں کے حوالے کیا گیا۔

مضافاتی پولس تھانہ میں  معاملہ درج کرتے ہوئے پولس مزید چھان بین کررہی ہے۔

 

ایک نظر اس پر بھی

یلاپور میں بائیک پھسل گئی، دو شدید زخمی

یلاپور 17 جون (ایس او نیوز) ضلع اتر کنڑا کے یلاپور نیشنل ہائی وے 63 پر ایک بائیک تیز رفتاری کے ساتھ پھسلنے کے نتیجے میں بائیک پر سوار دو لوگ بری طرح زخمی ہو گئے۔ جن کی شناخت ہبلی گنیش پیٹ کے رہنے والے محمد شاہد موراک (21) اور محمد نعیم (23) کی حیثیت سے کی گئی ہے۔

بھٹکل: مرڈیشور سمندر میں ڈوبنے والے ایک سیاح کو لائف گارڈ نے دی نئی زندگی

تعلقہ کے سیاحتی مقام مرڈیشور میں آج بنگلور کے ایک سیاح کو لائف گارڈ نے   ڈوبنے سے بچالیا اور ایک نئی زندگی عطا کی جس کی شناخت  یوراج (36) کی حیثیت سے کی گئی ہے۔ وہ بنگلور کے سری رام پورا کا رہنے والا ہے۔

دبئی ۔مینگلور ایئر انڈیا فلائٹ کوچی ایئر پورٹ کی طرف موڑ دیا گیا۔ عید کے لئے مینگلور پہنچنے والے مسافروں نے کیا رن وے پر احتجاج

دبئی سے آنے والی ایئر انڈیاایکسپریس فلائٹ AIE 814کومنگلورو ایئر پورٹ کے بجائے کوچی ایئر پورٹ پر لینڈ کرانے سے ناراض مسافروں نے کوچی ایئر پورٹ کے رن وے پر احتجاجی مظاہرہ کیا اور ایئر انڈیا کے کوتاہی اور غفلت پر سخت برہمی کا اظہار کیا۔

بیندوراوتینانی میں پہاڑی کا کھسکنا شاہراہ کی تعمیراتی کمپنی کے لئے دردِسر۔ حل تلاش کرنے کمپنی پہنچی راگھویندرا مٹھ میں!

نیشنل ہائی وے توسیعی منصوبے کے تحت بیندور کے وتّی نینی علاقے میں پہاڑکو کاٹ کر راستہ بنانے کا کام رکاوٹوں کا شکار ہوتاجارہا ہے کیونکہ یہاں بار بار پہاڑی چٹانیں کھسکنے کے واقعات پیش آرہے ہیں۔ حالانکہ ٹھیکیدار کمپنی اس سے پہلے پنچاب، کشمیر اور ممبئی وغیرہ میں بہت ہی کٹھن حالات ...

اُڈپی میں بجرنگ دل کارکنوں کے حملہ میں ہلاک ہونے والے حسین ابّا کی موت کا سبب سر پر لگنے والی چوٹ۔ پوسٹ مارٹم رپورٹ میں انکشاف

ہیری اڈکا پولیس اسٹیشن کی حدود میں پیراڈور کے مقام پر مویشیوں کے تاجر حسین ابّا اور اس کے ساتھیوں کی گاڑی روک کر پولیس اور بجرنگ دل کارکنان کی ملی بھگت سے 30مئی کو صبح کی اولین ساعتوں میں جو حملہ ہوا تھا اوراس کے بعد ایک پہاڑی علاقے سے حسین ابا کی لاش برآمد ہوئی تھی اس معاملے کی ...

بھٹکل میں پورے جوش و خروش کے ساتھ عید الفطر منائی گئی؛ مولانا عبدالعلیم ندوی اور مولانا خواجہ مدنی کا نوجوانوں سے پرزور خطاب

ساحلی کرناٹک کے شہربھٹکل سمیت کمٹہ،  بیندور، کنداپور،  کنڈلور، گنگولی، اُڈپی،  مینگلور اور پڑوسی ساحلی ریاست کیرالہ میں آج جمعہ کو پورے جوش و خروش کے ساتھ عید الفطر  منائی گئی۔