بارش سے شہریان کو راحت، بجلی گرنے سے دو اموات
بنگلورو:29/اپریل(ایس او نیوز) شدت کی گرمی سے پریشان شہریان بنگلور سمیت ریاست کے دیگر علاقوں کے عوام کو ہلکی بارش سے راحت نصیب ہوئی۔ ہاسن اور کلبرگی میں بارش کے دوران بجلی گرنے سے دو افراد فوت ہوگئے۔ بتایاجاتاہے کہ ہاسن کے وجئے نگر میں بی جے پرکاش اور کلبرگی کے افضل پولیس نے امبنا چنچولی بجلی گرنے سے فوت ہوگئے۔ گنگا وتی میں تیز ہوا کے ساتھ بارش کے سبب40سے زائد مکانات کو نقصان ہوا اور آم سمیت کئی فصلیں تباہ ہوگئیں۔ بلاری ضلع کے کوڈلگی کے علاوہ ہوسپیٹ تعلقہ میں شدید بارش سے 74بکرے ہلاک ہوگئے۔ بتایاجاتاہے کہ وجئے پور، باگلکوٹ، کوپل، بلاری، بلگاوی اور ہاویری کے آس پاس دس تا 55 ملی میٹر بارش ریکارڈ کی گئی ہے جبکہ ٹمکور، بنگلور، چکبالاپور، چکمگلور اور چترادرگہ وغیرہ میں 11تا45ملی میٹر، میسور، منڈیا اور کولار میں صرف 1تا3ملی میٹر بارش ہوئی ہے۔ماہرین موسمیات کے مطابق تملناڈو، کرناٹک،آندھرا اور اڑیسہ میں ہوا کے کم دباؤ کے سبب بارش کا امکان ہے۔