غزہ میں کھلونا بم پھٹنے سے دو فلسطینی زخمی
غزہ،27؍فروری(ایس او نیوز؍آئی این ایس انڈیا)فلسطین کے علاقے غزہ کی پٹی میں اسرائیلی فوج کی طرف سے پھینکا گیا ایک مشکوک کھلونا بم پھٹنے سے دو فلسطینی شہری زخمی ہوگئے۔ یہ واقعہ وسطی غزہ کے دیر البلح قصبے میں اتوار کے روز اس وقت پیش آیا جب ایک کھلونا بم پھٹنے سے دو فلسطینی زخمی ہوگئے۔غزہ وزارت صحت کے مطابق زخمی ہونے والے دونوں فلسطینی نوجوانوں کو شہداء الاقصیٰ اسپتال منتقل کردیا گیا ہے جہاں ان میں سے ایک کی حالت تشویشناک بیان کی جاتی ہے۔
خیال رہے کہ صہیونی فوج کی طرف سے غزہ کی پٹی اور غرب اردن میں جگہ جگہ کھلونا بم پھینک کر فلسطینی شہریوں بالخصوص بچوں کی زندگی سے کھیلنے کا سلسلہ اسرائیلی فوج کا دل پسند مشغلہ بن چکا ہے۔ آئے روز فلسطینی علاقوں میں کھلونوں کی شکل کے بم پھینکے جاتے ہیں جس کے نتیجے میں شہریوں کا جانی نقصان ہوتا ہے۔
