ٹیسٹ میں ٹاس برقرار، خراب برتاؤ اور گیند سے چھیڑ چھاڑ کے لیے سخت سزا

Source: S.O. News Service | By Shahid Mukhtesar | Published on 31st May 2018, 1:54 PM | اسپورٹس |

ممبئی ،30؍مئی ( ایس او نیوز؍آئی این ایس انڈیا ) انیل کمبلے کی قیادت والی آئی سی سی کی کرکٹ کمیٹی نے ٹیسٹ میں ٹاس ہٹانے کے خلاف فیصلہ کرتے ہوئے اسے کھیل کا لازمی حصہ قرار کیا جس سے ٹیسٹ میچ میں کھیل سے پہلے بلے بازی اور فیلڈنگ کا فیصلہ کرنے کے لئے آگے بھی سکے سے فیصلہ ہوگا۔سابق ہندوستانی کپتان کی قیادت میں کمیٹی نے کھلاڑیوں کے رویے کے سلسلے میں سفارشات اور عالمی کرکٹ آپریشنز ادارے سے سخت اقدامات کرنے اور کھلاڑیوں اور مسابقتی ٹیم کے درمیان احترام کی روایت کو برقرار رکھنے کی وکالت کی۔اس نے گیند سے چھیڑ چھاڑ میں شامل ہونے کے لیے سخت سزا کی بھی بات کہی۔حالانکہ بحث کے اہم نکات میں سے ایک بحث کا موضوع یہ تھا کہ کیا ٹیسٹ میچوں کے دوران گھریلو حالات کے فوائد کوکم کرنے کے لئے ٹاس (دورہ کرنے والی ٹیم کو منتخب کرنے کا حق ملے)کو ختم کر دیا جائے۔آئی سی سی نے ریلیز میں کہاکہ کمیٹی نے بحث کی کہ کیا ٹاس کا حق صرف دورہ کرنے والی ٹیم کے سپرد کر دیا جائے لیکن بعد میں محسوس کیا گیا کہ یہ ٹیسٹ کرکٹ کا لازمی حصہ ہے جس میں کھیل کے تعارف میں میچ کا کردار طے کرتا ہے۔کمیٹی میں حالانکہ سابق بین الاقوامی کیپٹن جیسیمائیک گیٹگ، مہیلا جے وردھنے، موجودہ بین الاقوامی کوچ مائیکل ہیسن (نیوزی لینڈ)اور سابق آسٹریلوی اوپنر اور میچ ریفری ڈیوڈ بون بھی شامل تھے۔یہ سب اس بات پر متفق تھے کہ میزبان ملک کو عالمی ٹیسٹ چمپئن شپ کو ذہن میں رکھتے ہوئے بہتر سطح کی پچیں تیار کرنی چاہئے۔ اس کے مطابقکہ ٹیسٹ پچوں کو تیار کرناآئی سی سی ورلڈ ٹیسٹ چمپئن شپ کی روایت کو خطرہ پیدا کر سکتا ہے، یہ بات قبول کرتے ہوئے کمیٹی نے ارکان سے پچوں کے معیار پر توجہ جاری رکھنے کی اپیل کی تاکہ آئی سی سی قوانین کے تحت بلے اور گیند کے درمیان بہتر توازن پیدا کیا جا سکے۔ٹاس کو ہٹایا جانا ایک متنازعہ مسئلہ بن گیا تھا کیونکہ زیادہ تر سابق کھلاڑیوں اور دیگر لوگوں نے اسے منفی قدم بتایا تھا۔آخری دو دن میں زیادہ تر وقت کھلاڑیوں کے برے برتاؤ پر بات چیت کرنے میں نکلا جس سے کھیل گزشتہ کچھ وقت سے دوچار ہے جبکہ گیند سے چھیڑ چھاڑ کا مسئلہ بھی اہم رہا۔آسٹریلوی کپتان سٹیو سمتھ اور نائب کپتان ڈیوڈ وارنر کو جنوبی افریقہ میں گیند سے چھیڑ چھاڑ کیس کی وجہ سے ایک سال کی معطلی جھیلنا پڑ رہا ہے۔کمبلے نے کہاکہ ہم نے کھلاڑیوں کے برتاؤ کے معاملے کو لے کر کافی اچھی بحث کی اور میں مائیک گیٹگ اور ڈیوڈ بون کا ہم سے جڑنے اور بحث میں اہم شراکت کے لئے شکریہ کرنا چاہوں گا۔انہوں نے کہاکہ کمیٹی نے آئی سی سی کے چیف ایگزیکٹوز کی کمیٹی اور آئی سی سی بورڈ کے جذبات کی حمایت کی اور ہم نے احترام کی ثقافت بنانے کیلئے کئی سفارشات کی ہیں۔

ایک نظر اس پر بھی

جرمن ڈفینڈر ڈيالو نے پی ایس جی کے ساتھ کیا 5 سال کا معاہدہ

فرانس لیگ کی چیمپئن پیرس سینٹ جرمین نے فرینچ ڈیفنڈربنڈیس ليگا ابڈو ڈيالو سے پانچ سال کے لیے معاہدہ کیا ہے اور وہ کلب کے ساتھ اب 30 جون 2024 تک وابستہ رہیں گے۔ڈیالو کو اس معاہدہ کے تحت کلب 29 ملین پاؤنڈس دے گا جو ہندوستانی کرنسی کے حساب سے 2478112878 روپے ہوں گے۔

 ورلڈ کپ پا کر انگلینڈ جھوم اُٹھا مگر فتح کے فارمولہ پر تنقیدیں ، آئی سی سی کو متنازع ضابطے پر نظرثانی کا مشورہ دیا 

اتوار کو اعصاب شکن میچ میں انگلینڈ کی فتح سے جہاں پورا برطانیہ جھوم اٹھا ہے اور ملک بھر میں جشن کا ماحول ہے وہیں انٹر ننشنل کرکٹ کونسل (آئی سی سی ) کا وہ ضابطہ تنقیدوں کی زد پر آگیا ہے جس کی وجہ سے میچ اور بعد میں سُوپر اوور کے بھی ٹائی ہونے کے باوجودانگلینڈ کو فاتح قرار دیا گیا۔ ...

ورلڈ کپ کرکٹ ٹورنامنٹ کا فائنل بے حد دلچسپ؛ ٹائی ہونے کے بعد سوپر اوور میں بھی اسکور برابر؛ باونڈریس زائد ہونے پر انگلینڈ پہلی مرتبہ بنا ورلڈ چیمپئن

لندن کے لارڈس میدان میں منعقد ورلڈ کپ 2019 کرکٹ ٹورنامنٹ کا فائنل میچ ڈرامائی انداز میں ٹائی ہونے کے بعد  انگلینڈ  نے سوپر اوور کے بعد نیوزی لینڈ کو سنسنی خیز مقابلے   میں شکست دے دی اور پہلی بار عالمی کپ جیتنے میں کامیاب ہوگئی۔ فائنل مقابلہ اتنا دلچسپ اور کانٹے کا رہا کہ  ...