ثانیہ ڈبلیوٹی اے ڈبلز رینکنگ میں ٹاپ پربرقرار
نئی دہلی،26ستمبر(ایس او نیوز ؍آئی این ایس انڈیا)ہندوستان کی ثانیہ مرزا نے چیک جمہوریہ کی اپنی جوڑی دار باربورا سٹراکووا کے ساتھ مل کر ٹوکیو میں پین پیسفک اوپن جیت کر ڈبلیوٹی اے خواتین ڈبلز رینکنگ میں اپناٹاپ مقام برقرار رکھا ہے۔ثانیہ کے 9730پوائنٹس ہیں اور وہ ڈبلز میں نمبر ایک کھلاڑی بنی ہوئی ہے،وہ اپنی سابق جوڑی دار مارٹینا ہگس(9725)سے پانچ پوائنٹس آگے ہے۔ثانیہ اور سٹراکووا نے اس سے پہلے گزشتہ ماہ سنسناٹی اوپن کے فائنل میں ہگس اور کوکو ویڈویگے کو شکست دی تھی۔ہندوستانی مرد کھلاڑیوں میں ساکیت مینینی سب سے زیادہ درجہ بندی کے واحد کھلاڑی ہیں۔یو ایس اوپن کے اہم ڈرا میں پہنچنے والے مینینی اگرچہ ایک مقام نیچے 138ویں مقام پر کھسک گئے ہیں۔اسپین کے خلاف حال میں ڈیوس کپ میں کھیلنے والے رامکمار رامناتھن ہندوستانیوں میں دوسرے نمبر کے واحد کھلاڑی ہیں،وہ بھی اگرچہ دس مقام نیچے 229ویں نمبر پر کھسکے ہیں۔گزشتہ کچھ وقت سے باہر چل رہے یوکی بھامبری 62مقام نیچے 282ویں نمبر پر لڑھک گئے ہیں۔مرد ڈبلز میں روہن بوپنا 18ویں مقام پر بنے ہوئے ہیں جبکہ لینڈر پیس چار پائیدان چڑھ 60ویں مقام پر پہنچ گئے ہیں۔