نئی دہلی،25؍جولائی(ایس او نیوز)بھاری بارش کے سبب ٹماٹر کی فراہمی کرنے والی ریاستوں سے امپورٹ کم رہنے سے دہلی کی این سی آر کی مارکیٹ میں ٹماٹر کی قیمتیں 100روپے فی کلو گرام تک پہنچ گئی ہیں۔ مدرڈیری نے ٹماٹر96روپے فی کلو گرام تک فروخت کیا، جبکہ آن لائن سبزیوں کو فروخت کرنے والی کمپنی بگ باسکٹ اور گرافر100روپے فی کلوگرام تک ٹماٹر فروخت کر رہی ہے۔مقامی بیچنے والے کو بھی معیار کی قیمت سے80سے 100روپے فی کلوگرام تک ٹماٹر فروخت کیا گیا ہے ان میں ٹماٹر کی قیمت جون کی ابتدا میں 25روپے فی کلوگرام تک تھے۔سرکاری اعداد و شمار کے مطابق دہلی میں ٹماٹر کی قیمت83روپے فی کلوگرام، ممبئی میں88روپے فی کلو گرام، چینئی میں80روپے فی کلوگرام اور کولکتہ میں95روپے ، بنگلورومیں 80روپئے رہیں۔