نئ دہلی، 22؍نومبر (ایس او نیوز؍ایجنسی) اس ہفتے تیل کی قیمت سب سے سستی ہو گئی ہے۔ جمعرات کے روزپٹرول کی قیمت 41 پیسے اور ڈیزل کی قیمت میں 30 پیسے فی لیٹر کی کمی آئی ہے۔ ملک کی دارالحکومت دہلی میں پٹرول 75.97 روپیے فی لیٹر اور ڈیزل 70.97 فی لیٹر کے دام میں بیچا جا رہا ہے۔ تو وہیں دوسری جانب ممبئی میں پٹرول کی قیمت 81.50 روپیے فی لیٹر تاہم ڈیزل کی قیمت 74.34 روپیے فی لیٹر ہو گئی ہے۔

کیوں سستا ہوا پٹرول ڈیزل: بین الاقوامی سطح پر خام تیل کی قیمتوں میں کمی آنے کے سبب  پٹرول ڈیزل سستا ہو رہا ہے۔ برینٹ کروڈ 63 ڈالر فی بیرل کی سطح پر آگیا ہے۔ نیویارک کا ویسٹ ٹیکساس انٹرمیڈیئٹ بھی کم ہو کر 54 ڈالر فی بیرل پر آگیا ہے۔