آج رویت ہلال کا کوئی امکان نہیں
بنگلورو:25/مئی(ایس او نیوز) بروز جمعہ ۹۲شعبان المعظم 1438ہجری مورخہ 26/ مئی 2017 سورج شام 6-41 بجے اور چاند 7-21بجے غروب ہوں گے، حالانکہ چاند کی عمر سورج کے مقابلے 40منٹ بڑی ہوگی، مگر شفق کے مقابل 9/ منٹ چھوٹی ہوگی۔ چاند نظر آنے کیلئے سورج کے غروب ہوجانے کے بعد اس کا 49منٹ تک افق پر موجود ہونا اور اس کے ساتھ ہی چاند اور سورج کا درمیانی زاویاتی فاصلہ بھی 12ڈگری کا ہونا ضروری ہوتاہے۔یہ دونوں باتیں اس وقت ہوتی نظر نہیں آرہی ہیں۔ چاند کے نظر آنے میں شفق کی موجودگی کی رکاوٹ کا امکان صاف نظر آرہا ہے۔ ان سائنسی حقائق کی روشنی میں رمضان المبارک کے ہلال کی رویت عام ہونے کا کوئی امکان نہیں ہے۔ ماہ رمضان المبارک کا پہلا روزہ انشا ء اللہ بروز اتوار 28مئی کو ہوگا۔ لہٰذا تمام مسلمانوں کی خدمت میں رمضان کی آمد مبارک ہو۔اس سلسلے میں مرکزی رویت ہلال کمیٹی کا فیصلہ حتمی ہوگا۔ (ساحر ٹمکوری، ریٹائرڈ میٹریالوجسٹ، موبائل نمبر 9035936445)