ٹیپو سلطان کا کَنّڑا حکم نامہ

Source: S.O. News Service | By Shahid Mukhtesar | Published on 12th November 2017, 11:11 AM | ریاستی خبریں |

بنگلورو،11/نومبر(ایس او نیوز)ٹیپو جینتی تقریبات کو لے کر بعض حلقوں کی طرف سے ٹیپو سلطان پر یہ الزام بار بار عائد کیا جاتا رہا ہے کہ وہ کنَّڑا دشمن تھے۔تاریخوں میں یوں تو ذکر آتا رہا ہے کہ ٹیپوسلطان کَنّڑا سے خوب اچھی طرح واقف تھے لیکن اس دعوے کی تائید میں کوئی ثبوت ابھی تک پیش نہیں کیا گیا تھا۔اس سلسلے میں پروفیسر م ن سعید صاحب نے اپنی تحقیق کے ذریعے یہ معلوم کر لیا ہے کہ ٹیپو سلطان نہ صرف یہ کہ کَنّڑا سے واقف تھے بلکہ انہوں نے کَنّڑا زبان میں سلطانی احکامات و فرامین بھی جاری کئے تھے۔ ٹیپو سلطان کے دربار سے اس طرح کا ایک حکم نامہ کَنّڑا زبان میں دریافت ہوا ہے جو سلطانی عہد میں قائم کئے ہوئے ذخیرہ گھروں کے اہلکاروں کی تنخواہوں کی تفصیل پیش کرتا ہے۔ اس کَنّڑاحکم نامے کا عنوان ہے۔حکم نامہ بنامِ داروغہ و متصدیانِ حال و ااسقبال تعلقہ اُگرانا۔یعنی یہ حکم نامہ تعلقہ ذخیرہ گھروں کے داروغان و متصدیان کے نام جاری کیا جاتا ہے۔یہ حکم نامہ قدیم کَنّڑا میں تحریر کیا گیا ہے جسے موڈی کَنّڑا کہا جاتا ہے اور تین صفحات پر مشتمل ہے۔پروفیسر م ن سعید نے مو؛ی کنّڑا کے ماہرین سے مل کر اسے جدید کنّڑا میں منتقل کیا اور ٹیپو جینتی کے موقع پر وزیرِ اعلیٰ سدّرامیّا کو پیش کیا۔اس موقع پر وزیرِ انفرا اسٹرکچر و حج جناب روشن بیگ صاحب اور جناب وزیر جناب ایچ کے پاٹل موجود تھے۔وزیرِ اعلیٰ نے اس کی بڑی ستائش کی اور کہا کہ یہ ثبوت ہے اس حقیقت کا کہ ٹیپو کنّڑا جانتے بھی تھے اور سرکاری امور میں اس کا استعمال بھی کرتے تھے۔اس کے ہوتے بی جے پی کے سارے پروپیگنڈے کا جھوٹ ظاہر ہو گیا ہے۔ٹیپو جینتی کی تقریب کے دوران پروفیسر م ن سعید نے یہ حکم نامہوزیرِ اعلیٰ کو فریم کرواکر پیش کیا۔مذکورہ حکم نامہ ایشیاٹک سوسائٹی، کولکاتا کے ذخیرۂ مخطوطات میں موجود ہے اور اس کا نمبر PSC 1686ہے۔پروفیسر سعید کا کہنا ہے کہ عہدِ ٹیپو میں کنّڑا کے سرکاری استعمال کی مزید شہادتوں کے بارے میں ان کی تحقیق جاری ہے اور ان سب کو یکجا کرکے شائع کیا جائے گا۔

ایک نظر اس پر بھی

حکومت کی غیر ذمہ دارانہ حرکت سے پرائیویٹ ڈاکٹروں کامسئلہ الجھا ہے : حزب مخالف لیڈر جگدیش شٹر

ریاستی سرکار کی غیر ذمہ دارانہ حرکت اور ان دیکھی سے مسئلہ الجھا ہے اور پرائیویٹ ڈاکٹروں کا احتجاج ریاست گیر سطح پر عوام کے لئے پریشانی کا باعث بننے کا حزب مخالف لیڈر جگدیش شٹر نے خیال ظاہر کیا۔

حکومت کے مجوزہ کے پی ایم ای ترمیمی بل کی جے ڈی ایس سخت مخالف : ایچ ڈی دیوے گوڈا

جنتادل سکیولر (جے ڈی ایس )ریاستی حکومت کی طرف سے پرائیویٹ ڈاکٹروں پر لگام کسنے کے لئے جاری اجلاس میں پیش کئے جانے والے مجوزہ کے پی ایم ای ترمیمی بل کی سخت مخالفت کئے جانے کا سابق وزیرا عظم ایچ ڈی دیوے گوڈا نے اعلان کیا۔

کالج کی نابالغ طالبہ کی اجتماعی عصمت ریزی،لاڈج کے کنٹراکٹر سمیت چار ملزمین سلاخوں کے پیچھے

کالج کی نابالغ طالبہ کی اجتماعی عصمت ریزی کا ایک واقعہ شہر کے کاڈگوڈی پولیس تھانہ کی حدود میں سامنے آیا ہے۔ کے آر پورم کی ایک کالج میں زیر تعلیم 17سالہ طالبہ کے ساتھ مسلسل ایک ہفتہ تک منہ کالا کرنے والے چار افراد کو کے آر پورم پولیس نے گرفتار کرلیا ہے۔

گنپتی معاملہ پر بی جے پی کا اسمبلی میں دھرنا ختم

ڈی وائی ایس پی گنپتی کی مبینہ خود کشی کے معاملے میں سی بی آئی کی طرف سے وزیر ترقیات بنگلور کے جے جارج کے خلاف ایف آئی آر درج کرنے کے معاملے پر بحث کا مطالبہ کرتے ہوئے پچھلے دو دنوں سے ریاستی اسمبلی کی کارروائیوں میں رخنہ اندازی کرنے والی بی جے پی نے آج اپنا احتجاجی دھرنا واپس لے ...