اگلے سال سے ٹیپو سلطان جینتی نہ منانے پر حکومت کا غور

Source: S.O. News Service | By Shahid Mukhtesar | Published on 14th November 2018, 10:49 PM | ریاستی خبریں | ان خبروں کو پڑھنا مت بھولئے |

بنگلورو،14؍نومبر(ایس او نیوز) ریاستی حکومت کی جانب سے امسال ٹیپو سلطان جینتی تقریبات کا اہتمام جہاں بی جے پی کی طرف سے شدید مخالفت کا سبب بنا تو دوسری طرف جینتی کے اہتمام کو لے کر کانگریس اور جے ڈی ایس میں بھی اختلافات سامنے آرہے ہیں ، بتایاجاتا ہے کہ 10 نومبر کو وزیراعلیٰ ایچ ڈی کمار سوامی اور نائب وزیراعلیٰ ڈاکٹر پرمیشور نے ہدایت دی تھی کہ ٹیپوسلطان جینتی تقریبات کا اہتمام مرکز اقتدار ودھان سودھا کی بجائے رویندرا کلاکشیترا میں کیا جائے، اس کے لئے سیکورٹی وجوہات کا حوالہ دیاگیا ۔ لیکن اس کے باوجود وزیراعلیٰ اور نائب وزیراعلیٰ کی ہدایت کی صریح خلاف ورزی کرتے ہوئے ضد کی گئی کہ ٹیپو سلطان جینتی کا اہتمام ودھان سودھا میں ہی ہو، وزیراعلیٰ ایچ ڈی کمار سوامی نے جہاں صحت خراب ہونے کے سبب ٹیپو سلطان جینتی تقریبات میں شرکت نہیں کی تو اس سے پہلے ہی انہوں نے محکمۂ کنڑا اینڈ کلچر اور دیگر کو سخت ہدایت دی تھی کہ اس تقریب کے نامے میں ان کا نام شامل نہ کیا جائے۔ دوسری طرف نائب وزیراعلیٰ ڈاکٹر پرمیشور جو اس تقریب میں مہمان خصوصی کے طور پر مدعو تھے، انہوں نے بھی آخری لمحات میں سنگاپور جانے کے بہانے سے تقریب سے غیر حاضر رہے۔ ان تمام وجوہات کا جائزہ لینے کے بعد وزیر اعلیٰ ایچ ڈی کمارسوامی اور نائب وزیراعلیٰ ڈاکٹر جی پرمیشور نے اس بات پر اتفاق کرلیا ہے کہ آئندہ سال سے ٹیپو سلطان جینتی کا کوئی سرکاری جلسہ منایا نہیں جائے گا۔ بی جے پی کی طرف سے بارہا یہ الزام لگایا جارہاہے کہ ٹیپو سلطان جینتی کا اہتمام اقلیتوں کورجھانے کے لئے کیا جاتاہے،جے ڈی ایس کا موقف ہے کہ پچھلے اسمبلی انتخابات میں جب اقلیتوں نے اس کا ساتھ ہی نہیں دیاتو پھر وہ کیوں کر اقلیتوں کو رجھائے ، دوسری طرف نائب وزیراعلیٰ ڈاکٹر جی پرمیشور بھی وزیر اعلیٰ کمار سوامی کے موقوف سے متفق ہیں کہ ریاستی حکومت کی طرف سے ایسی کسی بھی تقریب کا اہتمام کرنے سے گریز کیا جائے ، جس کے لئے غیر معمولی سیکورٹی انتظامات کی ضرورت پڑے۔ ان تقریبات کی آڑ میں کچھ لوگوں کی طرف سے سیاسی فائدہ اٹھانے کی کوشش کا بھی وزیراعلیٰ نے سخت نوٹس لیتے ہوئے یہ موقوف اپنایا ہے کہ آئندہ ٹیپو سلطان جینتی تقریبات کا اہتمام حکومت کی طرف سے ہرگز نہیں کیا جائے گا البتہ سیاسی پارٹیاں ، ادارے اور انجمنیں اگر کرناچاہیں تو حکومت اس میں مداخلت نہیں کرے گی۔ ٹیپو سلطان جینتی کی آڑ میں بی جے پی کی طرف سے فرقہ وارانہ بنیاد پر صف بندی کی کوشش کا بھی سخت نوٹس لینے کے بعد یہ فیصلہ کیا گیا ہے کہ آئندہ ان تمام سے گریز کیا جائے گا۔ 

ایک نظر اس پر بھی

کاروار کائیگا جوہری توانی پلانٹ کا توسیعی منصوبہ۔ ماحولیات کے لئے فکر مند افراد کا احتجاج

ابھی دو تین دن ہی ہوئے ہیں جب کاروار میں واقع کائیگا جوہری توانائی کے مرکز میں موجود یونٹ نمبر 1میں مسلسل 941دنوں تک یورینیم کے بھاری پانی سے بجلی پیدا کرنے کا عالمی ریکارڈ قائم کیا گیا تھا۔ اس ریکارڈ سے دیسی ساخت کے اس پلانٹ کی بہترین اہلیت اور صلاحیت کا مظاہرہ ہواتھا۔

منشیات کے استعمال ،سڑکو ں پر تحفظ اور ماحولیاتی آلودگی سے متعلق بیداری کے لئے بزرگ سائیکل سوار کی مہم؛ بھٹکل میں ایک دن رکنے کے بعد گوا کے لئے روانگی

سڑکو ں پر تحفظ ، منشیات کے استعمال اور ماحولیاتی آلودگی سے متعلق عوام میں بیداری پیدا کرنے کے لئے اڑیسہ کے ایک بزرگ نے سائیکل پرسوارہو کر ملک کی 10 ریاستوں کا سفرکرنے کی مہم چلارکھی ہے۔ 

منگلورو: کانگریس ایم ایل اے کی آر ایس ایس لیڈروں کے ساتھ موجودگی ۔آپریشن کنول کا اشارہ تو نہیں!

ریاست کرناٹک کے مختلف علاقوں میں بی جے پی کی طرف سے آپریشن کنول کا راستہ اپنانے اور کانگریس و جنتادل ایس کی مخلوط حکومت کو گرانے کی سازشیں رچنے کی خبریں وقتاً فوقتاً سر اٹھاتی رہتی ہیں۔ اب تازہ ہوا منگلورو کے قریب کلاڈکا سے چلی ہے جہاں پر آر ایس ایس لیڈر کلاڈکا پربھاکر بھٹ کے ...

کاروار: کائیکا اٹامک پاور اسٹیشن نے مسلسل بجلی تیار کرنے کا ورلڈ ریکارڈ قائم کیا۔ وزیر اعظم مودی نے عملے کو دی مبارکباد

) کائیگا اٹامک پاوراسٹیشن(کے اے پی ایس)میں جوچار یونٹس بجلی تیار کررہے ہیں ان میں سے یونٹ نمبر1نے مسلسل 941 دنوں تک یورینیم کے بھاری پانی(ہیوی واٹر) سے بجلی تیار کرنے کا ورلڈ ریکارڈ بنایا ہے ، جس پر ملک کے وزیر اعظم نریندرمودی نے ہندوستان کے جوہری توانائی پروگرام پر کام کررہے ...

بھٹکل کے مرڈیشور میں دو لوگوں پر حملے کی پولس تھانہ میں دو الگ الگ شکایتیں

تعلقہ کے مرڈیشور میں کل جمعرات کو  دو لوگوں پر حملہ اور پھر جوابی حملہ کے تعلق سے آج مرڈیشور تھانہ میں دو الگ الگ شکایتیں درج کی گئی ہیں اور پولس نے دونوں پارٹیوں کی شکایت درج کرتے ہوئے چھان بین شروع کردی ہے۔

مرڈیشور میں غیر ضروری بات کو لے کر ماحول خراب کرنے کی کوشش؛ سری رام سینا لیڈر اسپتال میں داخل

تعلقہ کے مرڈیشور میں  سری رام سینا  ضلعی صدر مسلم نوجوانوں سے اُلجھنے کے بعد زخمی ہو کر سرکاری اسپتال میں داخل ہونے کی واردات پیش آئی ہے، جس کے بعد سوشیل میڈیا پر زخمی شخص  کے فوٹو کے ساتھ مسیجس پھیلاکر عوام میں انتشار پیدا کرنے کی کوشش ہورہی ہے۔

گوا کے افسران نے10لاکھ روپے مالیت کی مچھلیاں برباد کردیں۔کاروار کے مچھلی فروش کا الزام

ضلع شمالی کینرا کے ماہی گیروں کے لیڈر نے الزام لگایا ہے کہ گواحکومت انتقامی کارروائی کی راہ اپناتے ہوئے تمام قانونی تقاضے پورے کرنے کے بعدبھی کرناٹکا سے گوا میں لے جائی مچھلیوں کوتباہ کررہی ہے۔

منگلورومیں نوجوان کو اغوا کرکے تاوان وصول کرنے والے نکلے منشیات فروش۔ 2.89لاکھ روپے مالیت کی اشیاء ضبط

چند دن پہلے فالنیر علاقے سے شماق نامی نوجوان کو اغوا کرنے اور بعد میں 50ہزار روپے تاوان وصول کرکے چھوڑنے والے کے الزام میں گرفتار کیے گئے گوتم(۲۸سال) اور لوئی ویگس (۲۶سال)کے بارے میں معلوم ہوا ہے کہ وہ منشیات فروشی کے دھندے میں ملوث ہیں۔