ٹیپو جینتی کی حمایت یا مخالفت میں کوئی جلوس نہیں نکالاجائے گا۔ ہرجگہ پروگرام آڈیٹوریم کے اندرمنعقد ہونگے: ڈپٹی وزیر اعلیٰ پرمیشور کا بیان

Source: S.O. News Service | By Shahid Mukhtesar | Published on 6th November 2018, 11:36 AM | ساحلی خبریں | ریاستی خبریں |

بنگلورو6؍اکتوبر(ایس اونیوز) ٹیپو جینتی کے انعقاد کے تعلق سے ڈی جی پی نیلمنی راجوکے علاوہ دیگر اعلیٰ پولیس افسران کے ساتھ میٹنگ کرتے ہوئے ڈپٹی وزیراعلیٰ ڈاکٹر جی پرمیشورنے کہا کہ ٹیپو جینتی کے حق میں یا اس کی مخالفت میں کسی کو بھی جلو س نکالنے کی اجازت نہ دی جائے۔اورہر مقام پر جینتی سے متعلقہ تمام پروگرام آڈیٹوریم کے اندرہی منعقد کیے جائیں۔کسی بھی قسم کے بینرس اور فلیکس عوامی مقامات پر نہ لگائے جائیں۔اور اگر کوئی بھی سوشیل میڈیا پر ٹیپو کے خلاف ہتک آمیز چیزیں پوسٹ کرتا ہے تو اس کے خلاف سخت اقدام کیا جائے۔

ودھان سودا میں پروگرام نہیں ہوگا: معلوم ہواہے کہ نائب وزیر اعلیٰ نے پولیس کو یہ ہدایت بھی دی ہے کہ پوری ریاست میں احتیاط اور چوکسی برتی جائے کیونکہ حزب مخالف بی جے پی کی طرف سے احتجاجی مظاہروں کا اہتمام کیے جانے کی پوری گنجائش ہے۔میٹنگ کے بعد اخباری نمائندوں سے بات چیت کرتے ہوئے ڈاکٹر پرمیشورنے کہا کہ بنگلورو میں ٹیپو جینتی کے سلسلے میں جو پروگرام ہونا ہے وہ ودھان سودا کے بینکویٹ ہال کے بجائے رویندرا کلا کشیترا آڈیٹوریم میں ہوگا۔

ہائی کورٹ میں ایک او رپی آئی ایل: ریاستی حکومت کی جانب سے دئے گئے ٹیپو جینتی منانے کے احکام کو چیلنج کرنے والی ایک اور عوامی مفاد کی عرضی(پی آئی ایل)ہائی کورٹ میں داخل کی گئی ہے۔اورمطالبہ کیا گیا ہے کہ سرکاری محکمہ کنڑا اینڈ کلچر کی طرف سے 20ستمبر 2016کوجاری کیے گئے احکام منسوخ کیے جائیں۔ یہ عرضی مڈیکیرے کے رہنے والے کے پی منجوناتھ نے داخل کی ہے۔ اس شخص نے 2017میں بھی اس قسم کی پی آئی ایل داخل کی تھی۔

جنوبی کینرا میں بامعنی پروگرام: ضلع جنوبی کینراکے ڈپٹی کمشنر سسی کانت سینتھیل نے ٹیپو جینتی کی تیاریوں کے سلسلے میں ابتدائی جائزہ میٹنگ کے دوران کہا کہ’’ ضلع انتظامیہ اور کنڑا اینڈ کلچر محکمے کے اشتراک سے 10نومبر کوضلع پنچایت کے ’نیتراوتی آڈیٹوریم ‘میں ٹیپو جینتی کو بامعنی انداز میں منانے کے لئے تمام ضروری اقدامات کرلیے گئے ہیں۔‘‘

مڈیکیرے میں 155افراد کو نوٹس: معلوم ہوا ہے کہ حکومت کی طرف سے پرامن طریقے پر ٹیپو جینتی منانے کی جو ہدایات دی گئی ہیں، اس پس منظر میں مڈیکیرے تعلقہ حدود میں پولیس نے 155افراد کو نوٹس جاری کیا ہے کہ وہ تحصیلدار کے سامنے حاضر ہوکر امن میں کسی بھی طرح کا خلل نہ ڈالنے کا وعدہ کرتے ہوئے ایک بانڈپر دستخط کریں۔ اس سے یہاں کے عوام میں برہمی دیکھی گئی ہے۔ ان کا کہنا ہے کہ ان 155افراد میں بہت سارے لوگ ایسے ہیں جن پر کوئی بھی مقدمہ کبھی داخل نہیں ہواہے۔ اس کے علاوہ اس فہرست میں ایک 80سالہ شخص بھی شامل ہے۔

عوام اس بات پر بھی ناراض دکھائی دئے کہ جن 155افراد کو امن برقرار رکھنے کی ضمانت دینے والے بانڈ پر دستخط کرنے کے لئے تحصیلدار کے دفتر میں حاضر ہونے کو کہا گیاتھا، وہ لوگ جب5نومبرکو حاضری دینے کے لئے پہنچے تو تحصیلدارصاحب اپنے دفتر سے غائب تھے۔
 

ایک نظر اس پر بھی

اگر آپ عزت دار ماہی گیر ہیں تو آننت کمار ہیگڈے کو ہرگز ووٹ نہ دیں؛ بھٹکل میں ماہی گیروں سے پرمود مدھوراج کی اپیل

اگر آپ عزت دار ماہی گیر ہیں تو  آپ کو چاہئے کہ  ماہی گیروں کی پرواہ نہ کرنے والے بی جے پی اُمیدوار آننت کمار ہیگڈے  کو ہرگز ووٹ  نہ دیں۔ ملپے سے نکلی سات ماہی گیروں پر مشتمل بوٹ لاپتہ ہوکر  پانچ ماہ ہوچکے ہیں مگر مرکزی وزیر آننت کمار ہیگڈے کو ماہی گیروں کی پرواہ ہی نہیں ہے۔ ...

منگلورو میں ایک عجیب سانحہ۔بوتھ کے آخری ووٹر نے ووٹ دینے کے بعد لی آخری سانس

پاجیرو گاؤں کے پانیلا میں ایک شخص نے پولنگ بوتھ میں اپنا ووٹ ڈالنے کے بعد گھر لوٹتے ہی دم توڑ دیا۔پانیلا کے رہنے والے والٹر ڈیسوزا(۴۰سال) گردے کی بیماری میں مبتلا تھاجس کے لئے وہ بہت عرصے سے زیرعلاج تھا۔

پارلیمینٹ گلبرگہ کے مسلمانوں سے کھڑگے کے حق میں قیمتی ووٹ دینے ڈاکٹر اصغر چلبل کی اپیل 

ڈاکٹراصغرچلبل سابق صدر گلبرگہ اربن ڈیولوپمینٹ اتھارٹی نے ایک صحافتی بیان میں کہا ہے کہ ملک کے موجودہ پارلیمانی انتخابات نہایت اہمیت کے حامل ہیں ۔2019کے پارلیمانی انتخابات مسلمانوں کے لئے آر پار کی لڑائی کی طرح سمجھے جارہے ہیں ۔پچھلے پانچ سالوں میں بی جے پی سرکار میں دلتوں ، ...

سدارامیا کے دوبارہ وزیراعلیٰ بننے میں غلط کیا ہے؟ کس کے نصیب میں کیا لکھا ہے کوئی نہیں جانتا : کمار سوامی

سدارامیا کے دوبارہ وزیر اعلیٰ بننے میں غلط کیا ہے ؟ اس قسم کا چونکانے والا بیان ریاستی وزیر اعلیٰ کمار سوامی نے دیا ہے ۔ ضلع کے مدے بہال تعلقہ میں اخباری نمائندوں سے انہوں نے کہا کہ کس کے نصیب میں کیا لکھا ہے ، کسی کو معلوم نہیں ہے ۔

کرناٹک کا سب سے اہم حلقہ گلبرگہ؛ کیا ا س بار کانگریس اپنا قلعہ بچا پائے گی..؟ (آز: قاضی ارشد علی)

ملک بھر میں چل رہے 17ویں لوک سبھا کے انتخابات کے دو مراحل مکمل ہوچکے ہیں ۔تیسرا مرحلہ 23؍اپریل کو مکمل ہوگا ۔ریاستِ کرناٹک کے28پارلیمانی حلقہ جات میں سے14حلقہ جات میں رائے دہی مکمل ہوچکی ہے ۔باقی رہ گئے14حلقہ جات میں الیکشن پروپگنڈہ زوروں پر ہے۔18؍اپریل کو ہوئے14حلقہ جات میں ...

دیوگوڑا پر یدی یورپا کا طنز، 7 سیٹ پر لڑ رہے ہیں اور بنناچاہتے ہیں وزیر اعظم

حال ہی میں سابق وزیر اعظم اور جنتا دل (سیکولر) کے سربراہ ایچ ڈی دیوگوڑا نے کہا تھا کہ انتخابات کے بعد اگر راہل گاندھی وزیر اعظم بنتے ہیں تو وہ ان کا ساتھ دیں گے۔ان کے اسی بیان پر طنز کستے ہوئے بھارتیہ جنتا پارٹی کے لیڈر بی ایس یدی یورپا نے کہا ہے کہ دیوگوڑا سات سیٹوں پر لڑ رہے ہیں ...