بابو لال گور کے آگے جھکی بی جے پی ، کیلاش وجے ورگی کے بیٹے کو بھی ٹکٹ 

Source: S.O. News Service | By Jafar Sadique Nooruddin | Published on 9th November 2018, 2:33 AM | ملکی خبریں | ان خبروں کو پڑھنا مت بھولئے |

بھوپال :8/نومبر(ایس او نیوز/آئی این ایس انڈیا)مدھیہ پردیش اسمبلی انتخابات کے لئے جاری بی جے پی امیدواروں کی تیسری فہرست میں پارٹی نے معروف رہنما اور ریاست کے سابق وزیر اعلی بابو لال غور کی بہو کو ٹکٹ دیا ہے۔ بابو لال غور کی بہو کرشنا غور کے لیے پارٹی نے گوند پورا سیٹ سے ٹکٹ دیا ہے۔کرشنا غور کو ٹکٹ ملنے سے پارٹی کے کچھ کارکن ناراض ہو گئے ہیں۔ انہوں نے ناراضگی ظاہر کرتے ہوئے پارٹی کے آفس کے باہر مظاہرہ کیا۔بتا دیں امیدواروں کی تیسری فہرست بی جے پی نے جمعرات کو جاری کی تھی۔ اس فہرست میں پارٹی نے 32 امیدواروں کے نام کا اعلان کیا ہے۔ 32 امیدواروں کی اس فہرست میں کنبہ پروری غلبہ رہی ۔ کرشنا غور کے لیے بی جے پی نے گوند پورا سے ٹکٹ دیا تو وہیں جنرل سکریٹری کیلاش وجے ورگی کے بیٹے آکاش کو اندور ۔3 سے امیدوار بنایا ہے۔ وہیں حال ہی میں کانگریس چھوڑ کر بی جے پی میں آئے راکیش چودھری کو بھنڈاور پریم چند گڈ کے بیٹے کو بھی ٹکٹ دیا گیا ہے۔ سابق وزیر اجے وشنوئی کی بھی واپسی ہوئی ہے اور انہیں ٹکٹ دیا گیا ہے۔ اس سے پہلے بی جے پی نے 5 نومبر کو 17 امیدواروں کی فہرست جاری کی تھی۔ وہیں دو نومبر کو بی جے پی نے 177 امیدواروں والی پہلی فہرست جاری کی تھی۔ پہلی فہرست میں تین وزرا کے ٹکٹ کاٹ دئے گئے تھے۔ مدھیہ پردیش میں 28 نومبر کو ایک مرحلے میں ووٹ ڈالے جائیں گے اور نتیجے مدھیہ پردیش، چھتیس گڑھ، تلنگانہ اور میزورم کے ساتھ 11 دسمبر کو آئیں گے۔ صوبہ میں اہم مقابلہ کانگریس اور بی جے پی کے درمیان ہے۔ اسمبلی کی 230 سیٹیں ہیں۔سال 2013 کے اسمبلی انتخابات میں بی جے پی نے 165 سیٹوں پر جیت کے ساتھ اقتدار پر اپنا قبضہ جاری رکھا تھا۔ کانگریس محض 58 سیٹیں ہی جیت پائی تھی۔ 

ایک نظر اس پر بھی

ملپے میں پاکستانی دہشت گرد موجود ہونے کی خبر۔سوشیل میڈیا پرہوئی وائرل۔ کوسٹ گارڈ پولیس نے کی وضاحت

سوشیل میڈیا اور کچھ الیکٹرانک میڈیا پر آج یہ خبر وائرل ہوئی ہے کہ بندرگاہی شہر ملپے میں ایک پاکستانی دہشت گرد موجود ہے جو تملناڈو سے فرار ہوکر یہاں کسی مقام پر چھپ گیا ہے۔

منگلورو میں جعلی دستاویزات کے ذریعے بینکوں اورگاڑیوں کے مالکان کو دھوکہ دینے والی4رکنی ٹولی گرفتار

منگلورو سٹی نارتھ کے اسپیشل کرائم ویجیلنس اسکواڈ اور اکنامک اینڈ نارکوٹک کرائم سے وابستہ پولیس افسران نے جعلی دستاویزات کے ذریعے بینکوں اور موٹر گاڑیوں کے مالکان کو لوٹنے والی چار رکنی ٹولی کو گرفتا ر کرلیا ہے۔

منگلورو میں کولشیکر کے قریب ریلوے پٹری پر زمین کھسک گئی؛ مینگلور سے گوا اورممبئی جانے والی ٹرین سروس متاثر؛ کئی ٹرینیں رد

تعلقہ کے کُولشیکر کے قریب پہاڑی  زمین کھسکنے  سے ریلوے ٹریک پر بہت ہی زیادہ مٹی اور کیچڑ کا ڈھیر لگ گیا  جس  کے نتیجے میں منگلورو اور اس روٹ پر آگے کی طرف جانے اور منگلورو کی طرف سے گوا اور ممبئی کی طرف چلنے والی ٹرین سروس متاثر ہوگئی۔  واردات جمعہ کو پیش آئی ہے۔