بھٹکل:22/ نومبر (ایس اؤنیوز)محکمہ اپاہج اور بزرگ شہری فلاح وبہبود کے زیر اہتمام تعلقہ پنچایت دفتر کے صحن میں منعقدہ پروگرام میں رکن اسمبلی منکال وئیدیا نے تعلقہ کے مختلف مقامات سے تعلق رکھنے والے 8 اپاہجوں میں سہ پہیہ سواریوں کی تقسیم کی ۔

اس موقع پر خطاب کرتے ہوئے رکن اسمبلی نےکہاکہ فی سواری 70ہزارروپیوں کی امداد کی جاتی ہے۔ میری رکن اسمبلی کی میعاد میں اب تک 42اپاہج افراد کو سواریاں تقسیم کی گئی ہیں جو اب تک کی بھٹکل تاریخ میں سب سے زیادہ تعداد ہونے کا دعویٰ کیا۔ تعلقہ پنچایت صدر ایشور نائک، اسٹانڈنگ کمیٹی چیرمن وشنو دیواڑیگا، پنچایت آفیسر سی ٹی نائک، منجوناتھ نائک، دیوی داس آچاریہ ، سریش نائک، بھاسکر موگیرو غیرہ موجود تھے۔