ہاسن میں ہائی وولٹیج بجلی کے تار کی زد میں تین افراد آگئے
ہاسن:24/مئی(ایس او نیوز) ہاسن ضلع میں پیش آئے ایک المناک واقعہ میں تین موٹرسائیکل سوارافراد اس وقت جھلس گئے جب وہ ایک ہائی وولٹیج کے بجلی کے تار کی زد میں آگئے۔یہ تار شنکرہلی کی سڑک پر ٹوٹ کر پڑا ہوا تھا۔ پولیس نے بتایا کہ متاثرین اپنے گاوں گوہانا پلی جارہے تھے، انہوں نے شدید بارش اور طوفانی ہواوں کے سبب سڑک پر پڑے تار کو نہیں دیکھا۔متاثرین کی شناخت 52سالہ روی، 23سالہ پرساد اور 59سالہ کٹی کے طورپر کی گئی ہے۔ رورل پولیس نے مقام واقعہ پہنچ کر اس سلسلہ میں ایک معاملہ درج کرلیا۔