کاروار6/جون (ایس او نیوز) چلتی بائک کو پیچھے سے ٹپر لاری کے ٹکر دینے کے نتیجے میں ایک بچی سمیت ایک ہی خاندان کے تین لوگ شدید زخمی ہوگئے۔ حادثہ بدھ کوکاروار کے سداشیوگڈھ میں پیش آیا۔
زخمی ہونے والوں کی شناخت کاروارڈپٹی کمشنر دفتر میں سروے آفسر کے طور پرملازمت کرنے والے بالپّا فقیرپّا (29)، بالّوا (30) اور ۱۲ سالہ لڑکی رینوکا کی حیثیت سے کی گئی ہے۔ بتایا گیا ہے کہ لڑکی کو اسپتال میں جانچ کرانے کے بعد بالپّا واپس اپنے گھر لوٹ رہا تھا کہ سداشیو گڑھ کے قریب ٹپر نے پیچھے سے ٹکر ماردی۔
تینوں کو مقامی سرکاری اسپتال لے جایا گیا ہے، چیتا کول پولس تھانہ میں معاملہ درج کیا گیا ہے۔