مرکارہ میں ایک ہی کنبے کے تین افراد کی خودکشی
مرکیرہ :10 /مئی(ایس او نیوز) یہاں ہوئے ایک المناک واقعہ میں ایک ہی کنبے کے تین ارکان نے کل رات اپنے گھر میں خودکشی کرلی۔پولیس نے بتایا ہے کہ اس تعلق کے بھاگمنڈالہ میں بڑھئی کا کام کرنے والے گوپال (65) ان کے بیٹے پردیپ (35)اور اس کی بیوی منجولہ (28)نے مختلف کمروں میں پھندے سے لٹک کر جان دے دی۔یہ واقعہ اس وقت روشنی میں آیا جب گوپال کی بیٹی پوترا گھر آئی اور اس نے ان لوگوں کو لٹکے ہوئے پایا۔ان لوگوں نے اپنی زندگی کیوں ختم کی، اس کا سبب معلوم نہیں ہوسکا ہے۔ لاشوں کو پوسٹ مارٹم کے لئے بھیج دیا گیا ہے۔ پولیس نے کیس درج کرلیا ہے۔