موتیہاری ، 18؍اکتوبر ( ایس او نیوز؍آئی این ایس انڈیا)بہار کے مشرقی چمپارن ضلع کے کندوا چونپور تھانہ کے تحت سمن پور گاؤں میں بدہ کو زہریلی چائے پینے ایک ہی خاندان کے دو بچوں سمیت تین افراد کی موت ہوگئی۔کندوا چونپور تھانہ کے چیئرمین ابھے کمارنے بتایا کہ مرنے والوں میں نریش رائے (50)، ان کے پوتے پرنس کمار (05) اور ناتن مینکا کماری (12) شامل ہیں ۔انہوں نے بتایا کہ نریش رائے کی جھوپڑی میں چار پانچ دن پہلے سانپ نکلا تھا جس سے بچاو کیلئے ایک دواء گھر میں رکھی گئی تھی ۔

ابھے نے بتایا کہ بدھ کو صبح نریش رائے نے اپنی ناتن مینکا کماری کو چائے بنانے کو کہا۔پولیس کے مطابق مینکا ذہنی طور پر پوری طرحت تیار نہ ہونے کی وجہ سے اس نے چائے پتی کی جگہ اسی کی طرح دکھنے والے دوا کو ڈال دیا جس کے بعدان تینوں نے تیار چائے پی لی اور نریش رائے دونوں بچوں کو ساتھ لے کر کھیت میں کام کرنے چلے گئے جہاں انکی حالت بگڑی اور وہ بیہوش ہوگئے۔ابھے نے بتایا کہ تینوں کی علاج کے لیے مقامی اسپتال لے وقت ہی موت ہوگئی۔