نئی دہلی،14؍جون(ایس او نیوز؍آئی این ایس انڈیا)صدارتی انتخابات کی حکمت عملی کو لے کر بی جے پی کور گروپ کی بدھ کومیٹنگ ہوئی۔اس میٹنگ میں وینکیا نائیڈو اور راج ناتھ سنگھ نے صدارتی انتخابات کے بارے میں وزیر اعظم نریندر مودی کوبریف کیا۔اس سے پہلے پارٹی صدر امت شاہ نے وینکیانائیڈو، راج ناتھ سنگھ اور ارون جیٹلی کی قیادت میں تین رکنی وزارتی کمیٹی تشکیل دی۔صدارتی انتخابات کے لئے عام رائے بنانے کی کوشش کے تحت بی جے پی کے یہ کمیٹی رکن جمعہ کو کانگریس صدر سونیا گاندھی سے ملاقات کریں گے۔اسی درمیان اپوزیشن پارٹیوں کی بھی آج میٹنگ ہوئی، جس میں صدارتی انتخابات کو لے کر حکمت عملی بات چیت ہوئی۔ اگرچہ بتایاجا رہاہے کہ اجلاس میں کسی نام پر بحث نہیں ہوئی۔اپوزیشن جماعتوں کے اجلاس کے بعد کانگریس کے سینئر لیڈر غلام نبی آزادنے میڈیاسے کہاکہ صدارتی انتخابات کے لئے 9پارٹیوں کا ایک پینل قائم کیا جائے گا۔تمام جماعتوں کے سینئرلیڈروں سے بات چیت کی جا رہی ہے۔جی ہاں اتنا ضرورہے کہ تمام اپوزیشن پارٹیاں متحدہیں۔حکومت نے فون پربات کی ہے، لیکن ابھی اس بارے میں ابھی کوئی تصویر صاف نہیں ہوئی ہے کہ حکومت کس صدر کے لئے کسے امیدوار بنانے جا رہی ہے یا پھر کس کا حمایت کرے گی ۔بتایا جا رہا ہے کہ این ڈی اے امیدوار 23جون تک پرچہ نامزدگی بھر سکتا ہے کیونکہ مودی 24کو بیرون ملک سفر پر جا رہے ہیں۔ارون جیٹلی 17جون کوبیرون ملک سفر سے واپس آئیں گے۔