بھٹکل میں کٹے ویرا کے زیراہتمام تین روزہ اسٹیٹ لیول کبڈی ٹورنامنٹ کا آج سے ہوا شاندار آغاز

Source: S.O. News Service | By I.G. Bhatkali | Published on 20th January 2018, 3:56 AM | ساحلی خبریں | اسپورٹس |

بھٹکل 19/ جنوری (ایس او نیوز) کٹے ویرا اسپورٹس سینٹر کے زیراہتمام اسٹیٹ لیول کبڈی ٹورنامنٹ کا آج جمعہ شام سے یہاں ساگر روڈ پر گرو سدھیندرا کالج میدان میں بھٹکل رکن اسمبلی منکال وئیدیا کے ہاتھوں شاندار آغاز ہوا۔  تین روز ٹورنامنٹ کا فائنل مقابلہ اتوار کو کھیلا جائے گا جس میں اول آنے والی ٹیم کو ایک لاکھ روپئے نقدرقم سمیت ٹرافی اور رنرز آپ ٹیم کے لئے پچاس ہزار روپئے نقد رقم مع ٹرافی دی جائے گی۔

آج پہلے دن افتتاحی تقریب کے بعد صرف دو میچس کھیلے گئے ۔ پہلے میچ میں سائی دھارواڑ نے چکمنگلور ٹیم کو 45۔ 23 پوائنٹ سے شکست دی، جبکہ دوسرے میچ میں الواس موڈبیدری نے بھٹکل مسلم یوتھ فیڈریشن کو 43 - 28 پوائنٹس سے شکست دی۔

اس سے قبل بھٹکل رکن اسمبلی منکال وئیدیا نے چراغ جلاتے ہوئے ٹورنامنٹ کا آغاز کیا۔ اپنے خطاب میں انہوں نے بھٹکل میں کٹے ویرا کی جانب سے دوسری مرتبہ اسٹیٹ لیول کبڈی ٹورنامنٹ منعقد کرنے پر خوشی کا اظہار کرنے کے ساتھ ساتھ  بھٹکل  سے چھ کھلاڑیوں کے نیشنل لیول  کبڈی ٹورنامنٹ میں  کھیلنے پر مسرت کا اظہار کیا۔ انہوں نے کہا کہ کٹے ویرا نے مقامی سطح پر کبڈی کے چھ کھلاڑیوں کو نیشنل لیول تک پہنچایا ہے تو یہ بہت  بڑی کامیابی ہے۔ انہوں نے کہا کہ آج تعلیم اور کھیل دونوں شعبوں کو فروغ دینے کی ضرورت ہے اور ہمارے نوجوانوں کو دونوں شعبوں میں آگے  بڑھنے کی ضرورت ہے۔ انہوں نے کہا کہ وہ ہمیشہ سے کھلاڑیوں کی ہمت آفزائی کرتے رہے ہیں اور بھٹکل میں منعقد ہونے والے ٹورنامنٹوں کے لئے اپنی جانب سے ہرممکن تعائون کرنے کے ساتھ ساتھ تعلیم میں بھی  بھٹکل کے طلبا کو ہر طرح کی سہولت فراہم کرنے میں ہمیشہ پیش پیش رہتے ہیں۔

اُترکنڑا ڈسٹرکٹ کبڈی امیچور کے صدر سورج سونی نے اس موقع پر خطاب کرتے ہوئے کہا کہ پورے اُترکنڑا ضلع میں سب سے زیادہ کبڈی بھٹکل میں کھیلی جاتی ہے اور یہاں جس طرح سے کھلاڑی کبڈی میں اپنی پرفارمینس پیش کرتے ہیں اور لوگوں کے اندر کبڈی کا جو جوش وخروش پایا جاتا ہے ، وہ ضلع کے کسی دیگر علاقوں میں نہیں پایا جاتا۔ انہوں نے کہا کہ ریاستی سطح کے لئے ضلع اُترکنڑا سے جونئیر اور سنیئر کبڈی ٹیموں کے لئے 15/20 کھلاڑیوں کا انتخاب ہوتا ہے تو اس میں سب سے بڑی تعداد بھٹکل کے کھلاڑیوں کی ہوتی ہے۔ انہوں نے اس بات کا خواہش ظاہر کی کہ  اب ضلع کے کھلاڑیوں کو پرو کبڈی ٹیم میں شامل ہونے کی کوشش کی جانی چاہئے جس سے کھلاڑیوں کو مزید آگے بڑھنے کا موقع ملے گا۔ انہوں نے کہا کہ پرو کبڈی میں ضلع اُترکنڑا سے اگر کوئی کھلاڑی شامل ہونے کا دم خم رکھتے  ہیں، تو وہ بھٹکل کے کھلاڑی ہی ہوسکتے ہیں۔

پروگرام کی صدارت کرتے ہوئے شیوانی شانتارام نے  اس خواہش کا اظہار کیا کہ آئندہ بھٹکل میں نیشنل لیول کبڈی ٹورنامنٹ منعقد کیا جانا چاہئے، جس کے لئے انہوں نے رکن اسمبلی منکال وئیدیا سے درخواست کی کہ نیشنل لیول ٹورنامنٹ کے لئے اپنی جانب سے ہرممکن تعائون کریں اور سرکار کی جانب سے جو کچھ بھی اقدامات کئے جاسکتے ہیں ضرور کریں۔ انہوں نے کہا کہ آج  بھٹکل  کی  گلی گلی اور دیہاتوں میں کبڈی کھیلا جاتا ہے اور بھٹکل کے نوجوانوں نے ایک ایسے کھیل کا انتخاب کیا ہے جو ترقی کرتے ہوئے آج ملک بھر میں کبڈی مشہور ہوگیا ہے اور لوگ کبڈی کی طرف بڑی تعداد میں راغب ہورہے ہیں۔ 

اس سے قبل  کٹے ویرا کےروح رواں سری دھر نائک نے خطاب کرتے ہوئے  اسٹیٹ لیول ٹورنامنٹ کو آرگنائز کرنے میں تعائون کرنے والوں کا خصوصی شکریہ ادا کیا۔ انہوں نے ایک طرف شیوانی شانتارام ہیگڈے اور دیگر ذمہ داروں کا شکریہ ادا کیا ، وہیں انہوں نے ٹورنامنٹ کے انعقاد کے لئے بھٹکل مسلم یوتھ فیڈریشن اور بھٹکل کے مسلم دوستوں کی جانب سے مکمل تعائون فراہم کرنے پر شہر کے مسلمانوں کا خصوصی طورپر شکریہ ادا کیا۔ 

ضلع پنچایت صدر جئے شری موگیر، بگ باس (کنڑا) کے ونر مسٹر پرتھم، کرناٹکا اسٹیٹ امیچور کبڈی اسوسی ایشن کے ایکزی کوٹیو ممبر شانموگھم سمیت کافی دیگر حضرات اسٹیج پر موجود تھے۔ اس موقع پر رکن اسمبلی منکال وئیدیا، مسٹر پرتھم اور سورج سونی کی تہنیت کی گئی۔

کل سنیچر کو ٹورنامنٹ کے دوسرے دن شام پانچ بجے سے میچس شروع ہوں گے اور رات 11:30 بجے تک میچس کھیلے جائیں گے، جبکہ تیسرے دن اتوار کو ٹورنامنٹ کا فائنل مقابلہ ہوگا۔

خیال رہے کہ شام سات بجے بھٹکل سرکیوٹ ہائوس سے گروسدھیندرا کالج میدان تک  ایک ریلی بھی نکالی گئی تھی۔

ایک نظر اس پر بھی

بنٹوال میں ٹپر ٹرک کی ٹکر سے موٹر بائک سوار ہلاک۔ دوسراشدید زخمی

نیشنل ہائی وے 75پر ٹول ناکے کے قریب پیش آنے والے حادثے میں ایک ٹپر ٹرک نے موٹر بائک کو ٹکر ماردی جس کے نتیجے میں بائک سوار موقع پر ہی ہلاک ہوگیا جبکہ بائک کی پچھلی سیٹ پر سوار شخص شدیدزخمی ہوگیا اور اس کی حالت بہت ہی نازک بتائی جارہی ہے۔

موڈبیدری میں شراب کے نشے میں دھت ڈرائیور کی وجہ سے سیریل ایکسیڈنٹ۔تین زخمی 

گاندھی نگر میں ایک شراب کے نشے میں دھت ڈرائیور نے دو مقامات پر گاڑیوں کو ٹکر ماری جس کی وجہ سے تین افراد زخمی ہوگئے ۔ موصولہ رپورٹ کے مطابق کیرالہ کا رہنے والا ساجو کمارنشے کی حالت میں جیپ ڈرائیو کرتے ہوئے منگلورو سے موڈبیدری کی طر ف آرہا تھا۔

بنٹوال میں کانگریس اور بی جے پی اراکین کے درمیان تصادم۔4زخمی

دو دن کے وزیر اعلیٰ بی ایس ایڈی یورپا کی طرف سے استعفیٰ دئے جانے کے بعدریاست کے مختلف مقامات پر جے ڈی ایس اور کانگریس کے کارکنان نے جشن منایا۔ اسی سلسلے کی ایک کڑی کے طور پرمنائے جارہے جشن کے دوران وٹلا کے کیلنجا نامی مقام پر بی جے پی اور کانگریس حامیوں کے درمیان تصادم ہوگیا جس ...

بی جے پی سرکار گرتے ہی بھٹکل میں جشن کا ماحول؛ کانگریس کے حمایتی ریلی کی شکل میں نکل کر شمس الدین سرکل پر چھوڑے پٹاخے

ریاست کرناٹک میں 55 گھنٹوں والی بی جے  پی سرکار گرنے کی اطلاع موصول ہوتے ہی بھٹکل میں جشن کا ماحول دیکھا گیا، بالخصوص  کانگریس کی حمایتی نوجوان کثیر تعداد میں بائک ریلی کےذریعے  نیشنل ہائی وے سے گذرتے ہوئے شمس الدین سرکل پر پہنچ کربلند ٹاور   پر کانگریس کا جھنڈا لہرایا، پھر ...

راجندر سنگھ ہاکی انڈیا کے صدر بنے

راجندر سنگھ کو آج ہاکی انڈیا کا صدر مقرر کردیا گیا جو مریما کوشی کی جگہ لیں گے۔مریما نے کل اپنے عہدے سے استعفی دے دیا تھا۔رپورٹ کے مطابق ہاکی انڈیا کے سینئر نائب صدر راجندر آج سے بطور صدر اپنا عہدہ سنبھالیں گے۔

آئی پی ایل میچ پر سٹہ لگاتے 5لوگ گرفتار

ضلع کی کوتوالی پولیس نے دیر رات آئی پی ایل میچ پر سٹہ لگاتے پانچ افراد کو گرفتار کر کے ان کے پاس سے کروڑوں روپے کے سٹے کے حساب کی ڈائری، لیپ ٹاپ، ایل ای ڈی ٹی وی اور موبائل ڈش برآمد کئے ہیں۔