کاروار:ٹوٹا ہوابجلی کاتار چھونے سے تین بھینسیں ہلاک 

Source: S.O. News Service | By Shahid Mukhtesar | Published on 10th August 2018, 8:24 PM | ساحلی خبریں |

کاروار 10؍اگست (ایس او نیوز) بانڈی شیٹّا ناگواڈا علاقے میں ایک ٹوٹ کر گرا ہوابجلی کا تار چھوجانے سے تین بھینسیں ہلاک ہوگئیں۔ کہاجاتا ہے کہ یہ حادثہ اس وقت پیش آیا جب بھینسیں ایک میدان کے اندر گھاس چر رہی تھیں۔ اچانک تیز ہوا چلنے کے ساتھ قریب میں واقع دتاتریہ نائک کے گھر پر پمپ سیٹ کو بجلی فراہم کرنے والا تار ٹوٹ کر گرگیا۔ گھاس چرتے ہوئے ان بھینسوں نے زمین پر گرے ہوئے بجلی کے تار پر پاؤں رکھ دئے اور شاک لگنے سے ان کی موت واقع ہوگئی۔

بتایا جاتاہے کہ گھاس کے اس میدان میں روزانہ 70-80مویشی چرنے کے لئے آتے ہیں۔ جب یہ حادثہ ہوا اس وقت بھی بہت سارے مویشی میدان میں موجود تھے۔ جیسے ہی بجلی کا شاک لگا تو ان بھینسوں نے زور زور سے چیخنا شروع کیا۔ اس سے بقیہ جانور دور بھاگ کھڑے ہوئے اور ان کی جان بچ گئی۔بھینسوں کی چیخیں سن کر جب تک آس پاس کے لوگ موقع پر پہنچے تب تک بجلی کے تار کی زد میں آنے والے جانور ہلاک ہوچکے تھے۔ہلاک ہونے والی تین بھینسوں میں سے دو بھینسیں حاملہ تھیں۔ان بھینسوں کے مالکوں میں سے ایک ستیش وٹھل نائک نے بتایا کہ ان بھینسوں کو پالنے اور دودھ بیچنے سے ان کی آمدنی ہورہی تھی۔ ان تین بھینسوں کی قیمت اندازاً 90ہزارروپے ہوتی ہے۔ابھی کچھ دنوں میں بچہ دینے لائق بھینسوں کی ہلاکت سے ان کا بڑا نقصان ہوا ہے۔ اور یہ ہیسکام والوں کی غفلت کی وجہ سے ہوا ہے۔

ایک نظر اس پر بھی

21مارچ سے ایس ایس ایل سی امتحانات : اترکنڑا ضلع میں کل 9766طلبا و طالبات کی سالانہ امتحانات میں شرکت

طلبا کی تعلیمی  زندگی کا پہلا اہم مرحلہ   ایس ایس ایل سی کے سالانہ امتحانات 21مارچ 2019سے 04 اپریل 2019منعقد ہونگے ۔ جس کے لئے اترکنڑا ضلع محکمہ  تعلیمات عامہ پوری طرح تیار رہنے کی  ڈپوٹی ڈائرکٹر کے منجوناتھ نے اطلاع دیتے ہوئے جانکاری دی ہے کہ اترکنڑا تعلیمی ضلع کے 5تعلقہ جات میں ...

اُڈپی : آر ایس ایس مسلمانوں سے زیادہ دلت مخالف ہے: سابق بجرنگ دل لیڈر مہیندر کمار

 آر ایس ایس حقیقت میں  دلت، شودر، مظلوم ، پسماندہ طبقات ، ہندو  اور ملک مخالف ہےوہ  مسلم مخالف نہیں ہے ،کیونکہ  یہ سب صرف نوجوانوں کو غلط راستے پر لے جانےکے لئے انہیں استعمال کرتی ہے۔ اگر اس کو اب نہیں سمجھیں گے تو پھر ایک بار ملکی آزادی کے لئے جدوجہد کی ضرورت پڑے گی۔ سماجی مفکر ...

بھٹکل کے ایک اُردو اسکول کے کمپائونڈ میں خون کے دھبے اور کھڑکی کے ٹوٹے گلاس پائے جانے کے بعد زبردست ہاتھاپائی ہونے کا شبہ

یہاں مدینہ کالونی ، محی الدین اسٹریٹ  میں واقع  اُردو ہائیر پرائمری اسکول  کی دیوار اور صحن پرجابجا  خون کے دھبے سمیت ایک کھڑکی کا شیشہ ٹوٹا ہوا پائے جانے  کے بعد شبہ ظاہر کیا جارہا ہے کہ یہاں رات کو زبردست ہاتھاپائی یا ماردھاڑ کی واردات رونما ہوئی ہے۔ واقعے کے بعد  اسکول کے ...

ضلع شمالی کینرا کا انتخاب۔ منووادی اور غیر منووادیوں کے درمیان مقابلہ ہے؛ سیکولراُمیدوار کو جیت دلانا اہم مقصد ہونا چاہئے؛ سابق وزیر آر این نائک کا بیان

درپیش پارلیمانی انتخابات اور خاص کرکے ضلع شمالی کینرا کی سیٹ کو کانگریس کی طرف سے جنتا دل ایس کو مختص کیے جانے کے بعد سابق وزیر اور کانگریسی لیڈر ایڈوکیٹ آر این نائک نے تبصرہ کرتے ہوئے کہا کہ اس بار ہونے والا انتخاب پارٹیوں کی جیت یا پارلیمان میں امیدواروں کی تعداد بڑھانے والا ...