بھٹکل 24/اگست (ایس او نیوز) بھٹکل ریلوے اسٹیشن پر یکم اگست سے21/اگست تک لائف لائن ایکسپریس نامی موبائل اسپتال سے ضلع شمالی کینرا کے ہزاروں مریضوں نے استفادہ کیا۔اس موبائل اسپتال میں کان کے امراض، مرگی، دانتوں کے امراض، جلے ہوئے زخموں کے نشان، کٹے ہوئے ہونٹ اورآنکھوں کے امراض وغیرہ کا علاج کیا گیا۔
آنکھوں کے امراض کے معائنے کے لئے 2265مریضوں نے رجسٹریشن کروایا تھا۔ ان میں سے1026کا علاج کیا گیا اور 889 مریضوں کو مفت چشمے تقسیم کیے گئے۔جبکہ150مریضوں کے آپریشن کیے گئے۔952دانتوں کے مریضوں نے رجسٹریشن کروایاتھا ان میں سے 388مریضوں کا معائنہ اور علاج کیا گیا۔564مریضوں کا مکمل علاج کیا گیا۔اطراف کے اسکولی طلباء کے دانتوں کا معائنہ کیا گیااور ان میں سے124بچوں کو ڈینٹل کیئر کٹ تقسیم کیے گئے۔کٹے ہوئے ہونٹوں کے علاج کے لئے24 مریضوں نے رجسٹریشن کیا تھاان میں سے تین مریضوں کی مکمل پلاسٹک سرجری کی گئی۔
دو آپریشن تھیٹروں اور پانچ آپریشن ٹیبلوں والے اس موبائل ریل اسپتال میں مریضوں کو مفت طبی خدمات دینے کے ساتھ مفت کھانا، ناشتہ وغیرہ بھی فراہم کیا گیا۔ بھٹکل میں لائف لائن ایکسپریس کی خدمات کو عوام تک پہنچانے میں ضلع انتظامیہ اور ڈاکٹروں نے بھرپور تعاون کیا۔