یہ نشہ شراب کا ہے ورنہ .! کمسن شرابی نے 18 گاڑیوں میں لگادی آگ
نئی دہلی:6/نومبر(ایس او نیوز/آئی این ایس انڈیا)جنوبی دہلی کے مدن گیر علاقے میں منگل کو شراب کے نشے میں ایک شخص نے چار کار سمیت 18 گاڑیوں کو آگ لگا دی۔ پولیس نے بتایا کہ آئی پی سی کی متعلقہ دفعات کے تحت مذکورہ شخص کے خلاف ایک ایف آئی آر درج کیا گیا ہے ۔ غور طلب ہے کہ ملزم تقریباََ20سال عمرکاہے۔ پولیس نے بتایا کہ ملزم نے 14 موٹر سائیکلوں اور چار گاڑیوں میں آگ لگا دی۔ واقعہ کی ایک ویڈیووائرل ہو ئی ہے جس میں ملزم موٹر سائیکلوں کے پٹرول پائپ کو کھولنے کے بعد گاڑیوں میں آگ لگاتے ہوئے نظرآرہاہے۔منگل کی صبح 3.05 بجے واقعہ کی اطلاع ملنے کے بعد پولیس جائے وقوعہ پر پہنچی اور آگ پر قابو پا لیا۔ پولیس نے بتایاہے کہ فرار ملزم کو پکڑنے کی کوشش کی جا رہی ہے۔