کمٹہ میں زیورات کی دکان پر چوری؛ دیوار پر سوراخ کرکے چور زیورات لے کر فرار
کمٹہ 27/مئی (ایس او نیوز/سجاد قاضی) کمٹہ کے نیلی کیری کے ماستی کٹے سرکل کے قریب واقع شری مہاستی جویلری دکان میں چوری کی زبردست واردات پیش آئی ہے جس میں چوروں نے دکان کے پچھلے حصے سے دیوار کو سوراخ کرتے ہوئے دکان کے اندر گھس کر قریب ساڑے اٹھارہ لاکھ مالیت کے زیورات لے کر فرار ہوگئے ہیں۔ سمجھا جارہا ہے کہ جمعہ کی شب کو چوری کی یہ واردات پیش آئی ہے، جبکہ سنیچر کو واقعہ منظر عام پر آیا ہے۔
گنپتی ہری داس شیٹ کی ملکیت والی اس دکان میں گھس کر چوروں نے پہلے تجوری کو توڑا ہے، اور اُس میں موجود 17 لاکھ مالیت کے 600 گرام سونے کے زیورات اور 1.20 لاکھ مالیت کے تین کلو کے چاندی اور 30 ہزار نقد رقم سمیت جملہ ساڑھےآٹھارہ لاکھ مالیت پر ہاتھ صاف کیا ہے۔
ذرائع نے بتایا کہ آج صبح دکان کے پڑوس میں واقع لوگوں نے دکان میں سوراخ کئے جانے کی اطلاع جویلری شاپ کے مالک گنپتی شیٹ کو دی، گنپتی شیٹ نے شٹر کھول کر دیکھا تو پتہ چلا کہ چوروں نے زیورات پر سے ہاتھ صاف کرلیا ہے، جس کے ساتھ ہی انہوں نے کمٹہ پولس کو واقعے کی اطلاع دی۔