میرے جدو جہد کی کہانی لوگوں کو حوصلہ فراہم کرتی ہے:بالی ووڈ ادا کار گووندا

Source: S.O. News Service | By Shahid Mukhtesar | Published on 10th September 2018, 12:48 PM | ملکی خبریں |

نئی دہلی ،10؍ ستمبر (ایس او نیوز؍آئی این ایس انڈیا) بالی ووڈ ادا کار گووندا نے کہا کہ فلم انڈسٹری سے نہیں ہونے کے باوجود انہوں نے فلم انڈسٹری میں جو کامیابی حاصل کی ہے وہ کئی فنکاروں کے لئے حوصلے کا ذریعہ ہو سکتی ہے ۔ یہ بات گووند ا نے اپنی آنے والے مذاحیہ فلم فرائیڈے کے لانچ کے موقع پر کہی۔

میڈیا ذرائع گووندا کی زندگی پر مبنی بایو پک فلم بنانے کے سوال پر بالی ووڈ ادا کار نے کہا کہ مجھے نہیں لگتا کہ یہ صحیح وقت ہے کہ ان پر بایو پک فلم بنائی جائے ۔ میں ابھی فلموں میں کام کر رہا ہوں۔ انہوں نے آگے کہا کہ میں نے فلم انڈسٹری کی شروعات بالکل صفر سے کی ہے کیونکہ فلم انڈسٹری سے نہیں تھا۔ اس کے باوجود میں نے فلم انڈسٹری میں جو کامیابی حاصل کی ہے اس لحاظ سے میرے جدو جہد اور میری کامیابی کئی لوگوں کو حوصلہ فراہم کر سکتی ہے ۔ ساتھ ہی گووندا نے کہا کہ میں نے یہ محسوس کیا ہے کہ جب آپ بے اثر ہوتے ہیں توبہت سے لوگ ڈپریشن میں چلے جاتے ہیں جبکہ ایسا نہیں ہونا چاہئے ۔ ہم اس وقت جس بھی حالات میں ہوتے ہیں اس کو قبول کرنا چاہئے اور اس سے اوپر اٹھ کر اپنے ہدف کو حاصل کرنا چاہئے ۔ آپ کو کامیابی ضرور ملے گی۔

گووندا نے پرانے دنوں کو یاد کرتے ہوئے کہا کہ کسی بھی فلم کی کامیابی میں اس فلم سے جڑے ہر شخص کی حصہ داری ہوتی ہے چاہے وہ اپنا کو اسٹار ہو یا کرو ممبر ۔گووندا نے فلم شعلہ اور شبنم کو یاد کرتے ہوئے کہاکہ جب میں نے سیٹ پر انوپم کھیر کو دیکھا تو میں حیران ہو گیا ۔ ان کو دیکھ کر ڈائیلاگ نہیں بول پاتا تھا ۔ ایسا ہی حال میرا قادر خان صاحب کے سامنے ہوتا تھا میں خود کو بہت خوش نصیب سمجھتا ہوں میں نے ان قد آور ادا کاروں کے ساتھ کام کیا ہے ۔آنے والی فلم فرائیڈے میں آپ کو اسٹار ورون شرما کے بارے میں بات کرتے ہوئے گووندا نے کہا کہ ورون نے اس فلم میں بہت اچھا کام کیا ہے ۔ اس نے بہت اچھی پرفارمنس دی ہے ۔ میں ورون کوکہتا ہوں کہ اگرمیں اور تم اپنا ویٹ کم کر لے تو ہم دونوں سپر اسٹار ہوں گے ۔

ایک نظر اس پر بھی

الیکشن جیتنے پر کانگریس کا اعلان ، غریب خاندان کو ملے گا سالانہ 72 ہزار روپئے 

ایک زبردست انتخابی تیقن دیتے ہوئے صدر کانگریس راہول گاندھی نے آج اعلان کیاکہ غریب ترین زمرہ سے تعلق رکھنے والوں کو فی کس 72,000روپئے سالانہ اقل ترین أجرت دی جائے گی بشرطیکہ ان کی پارٹی برسراقتدار آجائے ۔ نئی دہلی میں منعقد ہ ایک پریس کانفرنس میں یہ اعلان کرتے ہوئے کہاکہ 5کروڑ ...