کرناٹک ضمنی انتخابات کے نتائج سیکولر پارٹیوں کی اتحاد کی جیت: ایم کے فیضی

Source: S.O. News Service | By Staff Correspondent | Published on 7th November 2018, 10:57 PM | ملکی خبریں | ریاستی خبریں |

نئی دہلی،7؍نومبر (پریس ریلیز؍ایس او نیوز) سوشیل ڈیموکریٹک پارٹی آف انڈیا نے کرناٹک میں ہوئے حالیہ ضمنی انتخابات کے نتائج پر مسرت کا اظہار کرتے ہوئے کہا ہے ضمنی انتخابات میں کانگریس ۔ جے ڈی ( ایس ) اتحاد نے 5سیٹوں میں 4پر جیت حاصل کرکے بی جے پی کو شرمناک شکست سے دوچار کیا ہے۔اس ضمن میں ایس ڈی پی آئی قومی صدر ایم کے فیضی نے اپنے اخباری اعلامیہ میں کہا ہے کہ اس کامیابی کی اصل وجہ سیکولر پارٹیوں کی اتحاد ہے۔ ایم کے فیضی نے نتائج پر اپنا ردعمل ظاہر کرتے ہوئے کہا ہے کہ ضمنی انتخابات کے نتائج سے پتہ چلتا ہے کہ عوام نے ترقی پسند اور سیکولر اقدار کی قدر کرنے والی پارٹیوں کو منتخب کیا ہے اور بی جے پی جیسی عوام مخالف اور نفرت کی سیاست کو فروغ دینے والی پارٹی کو مسترد کیا ہے۔ یہ کامیابی اس وقت ممکن ہوئی ہے جب کانگریس اور جے ڈی ایس لیڈر شپ نے اپنے انا کو پرے رکھ کر ایک عام کاز کیلئے انتخابی اتحاد کرکے انتخابات میں حصہ لیا ہے۔ایس ڈی پی آئی قومی صدر ایم کے فیضی نے اس بات کی طرف خصوصی نشاندہی کرتے ہوئے کہا ہے کہ بی جے پی جو اپنے آپ کو بدعنوانی مٹانے والی پارٹی ہونے کا دعوی کرتی ہے اس نے کرناٹک کے حالیہ ضمنی انتخابات میں ایک پارلیمانی نشست پر ریاست کرناٹک کے بدعنوان سیاستدان کے ایک رشتہ دار کو امیدوار کے طور پر اتارا تھا۔اس بار بی جے پی کو ریڈی۔ یڈی کے پیسے کی طاقت بھی کام نہیں آئی ہے۔ایم کے فیضی نے مزید کہا کہ کرناٹک ضمنی انتخابات کے نتائج 2019کے لوک سبھا انتخابات کے نتائج کا ٹریلر ہے۔ایم کے فیضی نے 2014کے لوک سبھا انتخابات کی یاددہانی کراتے ہوئے کہا ہے کہ اس وقت انا پرست سیکولر پارٹیوں نے آپس میں اتحاد نہیں کیا اور اکیلے ہی انتخابات میں حصہ لیا تھا ۔جس سے سیکولر ووٹ تقسیم ہوئے اور صرف 31%فیصد ووٹ سے بی جے پی اقتدار میں آگئی اور دوسری طرف 69%فیصد رائے دہندگان کے ووٹ مختلف پارٹیوں میں تقسیم ہوگئے جس سے مرکز میں نریندر مودی کی قیادت والی بی جے پی سرکار اقتدار پر قابض ہونے میں کامیاب ہوئی۔ایس ڈی پی آئی قومی صدر ایم کے فیضی نے اپنے اخباری اعلامیہ میں تمام بڑی چھوٹی سیکولر سیاسی پارٹیوں سے اپیل کرتے ہوئے کہا ہے کہ وہ اپنے انا کو پرے رکھ کر ایک مشترکہ پلیٹ فارم میں جمع ہوکر2019کے عام انتخابات میں کرناٹک کے ضمنی انتخابات کے نتائج کو دہرائیں۔ اس کے علاوہ مستقبل قریب میں ہونے والے ریاستی اسمبلی انتخابات میں بھی تمام سیکولر پارٹیاں متحد ہوکرانتخابات میں حصہ لیں اور عوام مخالف بی جے پی حکومت کو اقتدار سے بے دخل کریں۔

ایک نظر اس پر بھی

وزیر اعظم نے مانا کہ فضائیہ سے بغیر پوچھے بدلا رافیل کا کنٹریکٹ: راہل

کانگریس صدر راہل گاندھی نے سپریم کورٹ میں حکومت کے رافیل معاملے سے متعلق حلف نامے کو لے کر منگل کو وزیر اعظم نریندر مودی پر نشانہ لگایا اور دعوی کیا کہ مودی نے فضائیہ سے پوچھے بغیر کنٹراکٹ بدلنے کی بات قبول کر لی ہے۔گاندھی نے ٹویٹ کر کہاکہ سپریم کورٹ میں مودی جی نے مانی اپنی ...

منی لانڈرنگ معاملے میں صحافی اپیندر رائے کی ضمانت کی درخواست مسترد

دہلی کی ایک عدالت نے مبینہ طور پر زبردستی وصولی اور مشکوک مالیاتی لین دین سے متعلق منی لانڈرنگ کے ایک معاملے میں گرفتار صحافی اپیندر رائے کی ضمانت کی درخواست منگل کو مسترد کر دی۔ایڈیشنل سیشن جج راکیش سیال نے رائے کو یہ کہہ کر راحت دینے سے انکار کر دیا کہ ان کے خلاف لگے الزامات ...

مودی حکومت ملک کو برباد کرنے میں لگی ہوئی ہے: بادل

پنجاب کے وزیر خزانہ من پریت سنگھ بادل نے کہاہے کہ بی جے پی زیرقیادت مرکزی حکومت ہندوستان کی حفاظت کے بجائے اس کوبرباد کرنے میں لگی ہوئی ہے۔بادل نے کہاہے کہ بھگوان نے سب سے کمزور جانور کون سا بنایا ہے۔پنجابی میں اسے چڑی (چڑیا) کہتے ہیں۔وہ اپنی حفاظت نہیں کر سکتی

نوٹ بندی سے غریبوں پر پڑی مار، امیروں کو ہوا فائدہ:راہل گاندھی نے پھر سادھا مودی پر نشانہ؛ کہا؛اقتدار پر آنے کی صورت میں 10 دن کے اندرچھتیس گڑھ کے کسانوں کا کریں گے قرضہ معاف

کانگریس صدر راہل گاندھی نے نوٹ بندی کو لے کر وزیر اعظم نریندر مودی پر جوابی حملہ بولا اور کہا کہ نوٹ بند کرنے سے غریبوں کو نقصان ہوا اور ’سوٹ بوٹ‘ پہننے والے امیروں کو فائدہ ہوا۔چھتیس گڑھ میں 20 نومبر کو ہونے والے دوسرے مرحلے کی پولنگ سے پہلے یہاں ریلی سے خطاب کرتے ہوئے گاندھی ...

سکھ مخالف فسادات معاملوں کی جانچ رکی، وفد نے صدر سے کی مداخلت کی مانگ

باعزت شہریوں کے ایک وفد نے منگل کو صدر رام ناتھ کووند سے ملاقات کی اور ان سے درخواست کی کہ وہ 1984 کے سکھ مخالف فسادات کے معاملات کی تحقیقات کی نگرانی کے لئے قائم ایس آئی ٹی کے تیسرے رکن کے نام کو فوری مطلع کرنے کے لئے سپریم کورٹ سے کہیں۔صدر سے ملاقات کرنے والے اس وفد میں سابق آرمی ...

60 سابق افسرشاہ ہوئے مودی کے خلاف، سی اے جی پر لگایاموجودہ حکومت کی شبیہ کو بچانے آڈٹ رپورٹ میں جان بوجھ کرکررہا ہے تاخیر

60ریٹائرڈ افسران نے کیگ کو خط لکھ کر اس پر نوٹ بندی اور رافیل سودے پر آڈٹ رپورٹ کو جان بوجھ کر ٹالنے کا الزام لگایا ہے تاکہ اگلے سال انتخابات سے پہلے این ڈی اے حکومت کی شبیہہ خراب نہ ہو۔سابق حکام نے ایک خط میں کہا ہے کہ نوٹ بندی اور رافیل لڑاکا طیارہ سودے پر آڈٹ رپورٹ لانے میں غیر ...