سدھونے راہل کی تعریف میں پڑھے قصیدے، کہا’برے دن‘ جا نے والے ہیں
نئی دہلی:11/دسمبر (ایس او نیوز/آئی این ایس انڈیا)راجستھان اور چھتیس گڑھ میں کانگریس کی بڑی کامیابی پرپارٹی لیڈران نے جشن مناناشروع کردیاہے۔کانگریس کے اسٹار پرچارک اور پنجاب حکومت میں وزیر نوجوت سنگھ سدھو راہل گاندھی کی تعریف کرتے ہوئے کہا کہ ہم انہیں کے نام پر جیتے ہیں۔سدھو نے کہا کہ راہل بھائی پہلے سے ہی سب کو ساتھ لے کرچلتے ہیں،وہ انسانیت کی تصویر ہے،جو ہاتھ ہندوستان کی تقدیرکو اپنے ہاتھوں میں لینے والے ہیں،سدھو نے ان تینوں ریاستوں میں کانگریس کے لیے مہم چلائی تھی۔سدھوکاکہنا ہے کہ انتخابات سے واضح ہوگیاہے کہ بی جے پی کے کھوکھلے وعدوں سے عوام پریشان ہوگئی ہے اور راہل گاندھی ایک بڑے لیڈربن چکے ہیں،2019کے انتخابات میں ہم ان کو لال قلعہ پر دیکھتے ہیں،وہ کہتے ہیں کہ خراب دن جا رہے ہیں اور اچھے دن آئیں گے،آسمان جتنااونچاہوگیاہے ہمارا بھائی راہل ،ہم توسپاہی ہیں،ہم تو انہیں کے نام پرجیتے ہیں،وہ ہماری جڑ ہیں۔2019میں راہل گاندھی کے بارے میں سدھو کا کہناہے کہ نئی زمانے کاجوان ہے راہل گاندھی ، کانگریس ایک پرکھی کھری پارٹی ہے، جب اقتدار میں تھی تو بھائی پیچھے رہتے تھے، جب جوجھنے کاوقت آیاہے تووہ سامنے آئے ہیں،ایک پتھرچوٹ کھاکرکنکرہوگیااورایک پتھرچوٹ سے شنکرہوگیا،لوگ کہتے ہیں کہ کانگریس مکت کریں گے، لیکن راہل گاندھی نے پارٹی کو بحران سے نکالا،یہی قیادت کا معیار ہے،کمزوری طاقت میں بدل گئی،جورکاوٹ تھی اسے کامیابی کی سیڑھی بنایا،اس کوجیت میں بدل دیا۔