لکھنؤ:4 /فروری (ایس اونیوز /آئی این ایس انڈیا) اترپردیش پولیس کے خصوصی ٹاسک فورس نے ہندوستانی روپیہ کے جعلی نوٹوں کی اسمگلنگ کرنے والے گروہ کے سرغنہ کو مغربی بنگال سے گرفتار کیا ہے۔ایس ٹی ایف کے ذرائع نے بتایا کہ 24اگست، 2018کو ایس ٹی ایف نے مغربی بنگال میں فراککا اور مالدا میں چار گروہوں کو گرفتار کیا،ان کا گروہ ملک بھر میں 500اور 2000جعلی نوٹوں کی اسمگلنگ کرتا تھا۔گروہ کے ارکان سے پوچھ گچھ میں مغربی بنگال کے مالدہ رہائشی متھن، سلاح الدین میاں کے ملوث ہونے کے سلسلے میں جانکاری ملی۔اتر پردیش کے باندہ ضلع کے تھانہ کوتوالی شہر بسنڈا اور نرینی میں 2014سے 2017کے دوران جعلی نوٹوں کے کاروبار کے مختلف مقدمات میں گرفتار ملزمان نے بھی تسلیم کیا ہے کہ میاں ہی انہیں جعلی نوٹوں کی فراہمی کرتا تھا۔اس سلسلے میں میاں پر 50000روپے کا انعام رکھا گیا تھا۔میاں کی گرفتاری کے لئے ایس ٹی ایف کی ایک ٹیم مالدا کو بھیجا گیا، جس نے 2 فروری 2019کو اسے گرفتار کیا۔میاں نے تحقیقات میں کہا کہ مغربی بنگال کے ذریعے بنگلہ دیش سے جعلی نوٹ لائے جاتے ہیں۔ضیاء الحق نامی ایک شخص نے اسے چلانے میں مدد کرتا ہے،وہ بنگلہ دیش سے جعلی نوٹس منگاتا ہے اور اسے مارکیٹ میں چلانے کی ذمہ داری میاں کی ہے۔تین دن کے ٹرانزٹ ریمانڈ پر میاں کو باندہ لایا گیا ہے۔ملزم کے خلاف مزید قانونی کارروائی باندا پولیس، این آئی اے اور اے ٹی ایس لکھنؤکی طرف سے کی جائے گی۔