کولکاتہ پولیس کمشنر کی ماں نے بیٹے کو کہا ایماندار، یوگی کا ہیلی کاپٹر نہ اترنے دیا تو سی بی آئی کو لگایا پیچھے
سنبھل:5 /فروری (ایس اونیوز /آئی این ایس انڈیا) کولکاتہ کے پولیس کمشنر راجیو کمار سے پوچھ گچھ کے لئے سی بی آئی ٹیم کے پہنچنے پر ہنگامے کے بعد کمار کی ماں نے بتایا کہ ان کا بیٹا ایماندار ہے اور وزیر اعلی یوگی آدتیہ ناتھ کا ہیلی کاپٹر نہ اترنے دینے کی وجہ سے ان کے خلاف سی بی آئی کا غلط استعمال کیا گیا ہے۔
یوپی کے سنبھل ضلع کے چندوسی کے رہنے والے مقامی کولکاتہ پولیس کمشنر راجیو کمار کی ماں منی دیوی نے کہا کہ ان کا بیٹا ایماندار ہے۔انہوں نے کہاکہ اگر میرا بیٹا غلط کام کرتا تو وزیر اعلیٰ ممتا بنرجی ان کا ساتھ دینے کے لئے دھرنے پر کیوں بیٹھتیں۔اس کا ساتھ کیوں دیتیں؟ دیوی نے کہا کہ سیاست کے تحت ان کے بیٹے پر کارروائی کی جا رہی ہے۔ ان کے مطابق کولکتہ میں وزیر اعلی یوگی آدتیہ ناتھ کے ہیلی کاپٹر کو انہوں نے اترنے نہیں دیا تھا اور انہیں ریلی نہیں کرنے نہیں دی تھی ۔اسی وجہ سے یہ سب ہو رہا ہے۔
خیال رہے کہ ساردا چٹ فنڈ گھوٹالے کی جانچ کو لے کر پولیس کمشنر راجیو کمار کو گرفتار کرنے اتوار کو سی بی آئی کے چالیس آفسران ان کے گھر پہنچے تھے، مگر کولکتہ پولس نے سی بی آئی کے کچھ افسروں کو ہی حراست میں لے لیا۔
وزیر اعلی ممتا بنرجی نے معاملے میں مرکزی حکومت پر سی بی آئی کے غلط استعمال کا الزام لگاتے ہوئے دھرنا شروع کر دیا تھا، سپریم کورٹ میں معاملے کی سنوائی کے بعد منگل کو ممتا نے اپنا دھرنا ختم کردیا تھا۔
