اقلیتی طالبات کو مرکزی حکومت نے دیا یہ بڑا تحفہ
نئی دہلی:22/جولائی(ایس او نیوز/آئی این ایس انڈیا)مرکزی اقلیتی کام وزارت کی جانب سے اسکولی طالبات کو دی جانے والی اسکالر شپ کے لئے مقررہ بجٹ میں اس بار تقریبا 15 فیصد تک کا اضافہ کا فیصلہ کیاگیا ہے۔ وزارت کی ماتحت ادارے مولانا آزاد ایجوکیشن فاؤنڈیشن نے اسکولی طالبات کے لئے چلائی جانے والی اپنی ’بیگم حضرت محل قومی اسکالرشپ اسکیم‘کے کل بجٹ میں اضافہ کرنے کے فیصلے کے ساتھ یہ بھی فیصلہ کیا ہے کہ اس سال پرجوش مہم چلائی جائے گی تاکہ زیادہ سے زیادہ لڑکیاں اسکالر شپ کے لئے درخواست دے سکیں۔سال 2017۔18 میں اس منصوبہ کے تحت قریب 1,15,000 لڑکیوں کو اسکالر شپ دی گئی تھی۔ اس کے لئے قریب 78 کروڑ روپے کا بجٹ مقرر تھا۔ سیکرٹری رضوان الرحمن نے بتایا کہ بیگم حضرت محل منصوبہ کے تحت اس بار ہم نے فیصلہ کیا ہے کہ بجٹ کو کم 90 کروڑ روپے کیا جائے۔ اس بارے میں ہم نے وزارت کو بھی مطلع کیا ہے۔ انہوں نے کہا کہ سال 2017۔18 میں تقریبا 1,15,000 لڑکیوں کو اسکالر شپ دی گئی ہے۔ ہماری کوشش ہوگی 2018۔19 میں فائدہ اٹھانے والوں کی تعداد اس سے کہیں زیادہ ہو۔ رضوان الرحمن نے کہا کہ اب بھی اس منصوبہ کے متعلق لوگوں میں بیداری پیداکرنے کی ضرورت ہے۔ ہم اس بار کوشش کر رہے ہیں کہ بیداری پھیلانے کے مختلف ذرائع سے پرجوش مہم چلائی جائے ۔