ایودھیا میں شناختی کارڈ ضروری
فیض آباد:27/اپریل (ایس او نیوز/آئی این ایس انڈیا) دہشت گرد انہ خطرات کی آہٹ سے ایودھیا کی تشویش میں اضافہ ہو گیا ہے۔ہندو سادھو سنتوں کے لباس میں ملبوس دہشت گرد مذہبی مقامات کو نشانہ بنا سکتے ہیں۔اس خفیہ ان پٹ نے اجودیا کی سیکورٹی کو لے کر پولیس کی نیند اڑا دی ہے۔ ایودھیا میں گلی گلی رام دھن گانے والے سادھوؤں کا بسیرا ہے،بڑی تعداد میں عقیدت مند ہمیشہ یہاں موجود رہتے ہیں۔ایسے میں ایودھیا کی سیکورٹی کو لے کر سیکورٹی ایجنسیوں نے نگرانی کے لیے نئی گائیڈ لائن جاری کی ہے، نئی گائیڈ کے مطابق، تیرتھ یاتریوں کے لیے شناختی کارڈ رکھنا لازمی ہے، عقیدت مند اور سیاحوں کے گروپ میں اگر کسی رکن کے پاس ناگزیر معاملے میں آئی ڈی ثبوت نہیں ہے، تو کسی ایک رکن کی طرف سے ہوٹل، اسپتا ل اور آشرم کے ذمہ دار فارم بھرواکر معلومات علاقے کے تھانے پر دیں گے، ہر سیاح یا عقیدت مند کی ڈیجیٹل فوٹوگرافی کراکر رجسٹر میں تفصیلات محفوظ رکھنے کو بھی خبردار کیا گیا ہے۔اگر کوئی شخص ایودھیا میں زیر وقت تک قیام کر رہا ہے، تو اس کی بھی اطلاع پولیس اور خفیہ ایجنسی کو دینے کی ہدایت دی گئی ہے۔مسافروں سے ملنے کے لیے کون کون سے لوگ آئے، ان کا ریکارڈ سی سی ٹی وی فوٹیج کے ساتھ ہوٹل، دھرم شالہ میں رکھنا ہو گا۔متنازعہ احاطے کے ارد گرد فوٹوگرافی ممنوع ہے،اس کی بھی معلومات عقیدت مند وں یا مسافروں کو دینی ہوگی، ہوٹل، اسپتا ل، آشرم کے آپریٹروں کو مسافروں کی گاڑیوں کا رجسٹریشن نمبر بھی رجسٹر میں درج کرنا ہوگا۔