ہیومن ویلفیئر فاونڈیشن ، کیرالامیں 500 نئے گھروں کی تعمیرکرے گا

Source: S.O. News Service | By Staff Correspondent | Published on 25th September 2018, 7:26 PM | ملکی خبریں | ان خبروں کو پڑھنا مت بھولئے |

نئی دہلی ،25؍ ستمبر (آئی این ایس انڈیا؍ ایس او نیوز)  کیرالامیں آئے صدی کے سب سے بڑے سیلاب سے لگ بھگ ساڑھے چار سو سے زائد جانیں تلف ہونے کی اطلاعات ہیں ، اور 40 ہزار کروڑ کا مالی نقصان ہوا ہے ۔ مصیبت کی اس گھڑی میں پورا ملک کیرالا کے ساتھ کھڑا رہا ۔ پہلے مرحلے میں ریلیف کے بعد اب تباہ حال کیرالا کی باز آبادکاری کا مرحلہ شروع ہوا ہے ۔ ہیومن ویلفیر فاونڈیشن معاون این جی اوز پیپل فاونڈیشن کیرالا اورآ ئیڈیل ریلیف ونگ کے ساتھ ملکر کیرالا کی باز آباد کاری کاکام کر رہا ہے ۔ فاونڈیشن نے 500 نئے گھروں کی تعمیر اور1000گھروں کی مرمت کا کا م اپنے ذمہ لیا ہے ۔ ان خیالات کا اظہار ہیومن ویلفیر فاونڈیشن کے جنرل سیکریٹری ٹی عارف علی نے کیرلا میں فاونڈیشن کی جانب سے جاری بازآباد کاری کے کاموں کا جائزہ لینے کے بعد دہلی واقع فاونڈیشن کے صدر دفتر میں منعقد ایک پریس کانفرنس میں کیا ۔ یہ پریس کانفرنس کیرالا سیلاب کے موضوع پر منعقد کی گئی تھی ۔ ٹی عارف علی نے فاونڈیشن کے بازآبادکاری پروجیکٹ کا تفصیلی تعارف کراتے ہوئے کہ ہم سیلاب متاثرین کی کئی طرح سے مدد کر رہے ہیں ، جن لوگوں کا روزگار ختم ہوگیا ہے ایسے 500لوگوں کو 10ہزار تا 35000 روپئے کی مدد کر رہے ہیں ۔ اسکول جانے والے بچوں کے لیے کتاب کاپی اور دیگر چیزوں کا انتظام کیا جا رہا ہے ۔ 100مقامات پر پینے کے پانی کی سہولت مہیا کرائی جا رہی ہے ۔ سیلاب سے تباہ 20کتب خانوں کی مرمت کا کام کیا جا رہا ہے ۔ اور عوام کو ہیلتھ کیمپوں کے ذریعے طبی سہولیات مہیا کرائی جا رہی ہیں ۔عارف علی نے کہا کہ ہمارا مطالبہ ہے کہ حکومت اسے قومی آفت کا اعلان کرے ۔ اس سے بازآبادکاری میں آسانی ہوگی ۔ ٹی عارف علی نے میڈیا کو بتایا کہ عوامی مقامات سڑکوں ، پارکوں ، اور پلوں کی تعمیر نو اور مرمت کاکام حکومت کر رہی ہے لیکن اس وقت گھروں کی تعمیر سب سے بڑا مسئلہ ہے۔ہمارا ریلیف سیل پوری طور پر مصروف عمل ہے ۔ شمالی ہند کے لوگوں نے مصیبت کی اس گھڑی میں کیرالا کی بڑی مدد کی ہے ۔ انہوں نے بتایا کہ سیلاب کی تباہی سے دوچار لوگوں نے ایک دوسرے کی مدد کا اعلیٰ نمونہ پیش کیا ہے اور فرقہ وارانہ ہم آہنگی کی اعلیٰ مثال پیش کی ہے ، لوگوں نے ایک دوسرے کی جان بچانے کے لیے مسجد ،مندر اور گرجاگھروں کے دروازے ایک دوسرے کے لیے کھول دیے ۔ ہمارے والینٹیرس نے267ریلیف کیمپوں کے ذریعے 6000سے زائد لوگوں کی زندگی بچانے میں اہم رول ادا کیا ہے سوا ا لاکھ سے زائد لوگ ہمارے کیمپوں سے مستفید ہوئے ۔

ایک نظر اس پر بھی

اشوک گہلوت کی حلف برداری تقریب میں راہل، منموہن سمیت کئی قدآور لیڈرہوں گے شامل

جے پور کے البرٹ ہال میں پیر کو کانگریس پارٹی اراکین کے لیڈر اشوک گہلوت اور ریاستی صدرسچن پائلٹ کی تاجپوشی تقریب میں کانگریس صدر راہل گاندھی، سابق وزیر اعظم منموہن سنگھ، ایچ ڈی دیوگوڑا سمیت کئی قدآور لیڈر شامل ہوں گے۔

بھٹکل انجمن کا طالب العلم میسور میں منعقدہ اسٹیٹ لیول پرتیبھا کارنجی مقابلے میں دوم

میسور میں منعقدہ ریاستی سطح کے پرتیبھا کارنجی اُردو تقریری مقابلہ میں بھٹکل انجمن ہائی اسکول کا طالب العلم  خبیب احمد اکرمی ابن مولانا خواجہ معین اکرمی مدنی دوسرا مقام حاصل کرنے میں کامیاب ہوگیا ہے۔

مینگلور: چار سالہ بچی کے ساتھ جنسی عمل۔عدالت نے دی ملزم کو دس سال قید بامشقت کی سزا

چار سالہ بچی کے ساتھ جنسی عمل کرنے والے ملزم چندرا شیکھر عرف راجیش (۴۹سال)کو سیکنڈ ایڈیشنل ڈسٹرکٹ اینڈ سیشنس اور پوکسو اسپیشل کورٹ نے دس سال قید بامشقت اور 10ہزار روپے جرمانے کی سزا سنائی ہے۔

بھٹکل کے ہیبلے میں ناراض عوام نے لیا رکن اسمبلی کو آڑے ہاتھ؛ احتجاج کے باوجود رکھا گیا دو اسکولوں اور دو کالجوں کا سنگ بنیاد

بھٹکل رکن اسمبلی سُنیل نائک کو آج اتوار کو ہیبلے کے لوگوں نے اُس وقت آڑے ہاتھ لیتے ہوئے احتجاج کیا جب وہ وہاں سرکاری ہاڈی زمین پر دو اسکولوں اور دو کالجوں کا سنگ بنیاد رکھنے کے لئے پہنچے تھے۔ 

بنگلورومیٹرو برڈج میں خرابی کا نائب وزیراعلیٰ پرمیشور نے معائنہ کیا

شہر کے ایم جی روڈ پر ٹرینٹی سرکل کے قریب ایم جی روڈ بیپنا ہلی میٹرو روٹ کے پلر نمبر 155کے قریب ایک بیم میں دراڑ کا آج نائب وزیراعلیٰ ڈاکٹر جی پرمیشور نے معائنہ کیا اور کہاکہ اس سلسلے میں مرمت کا کام جاری ہے۔