اردویونیورسٹی میں پہلے آزاد راؤنڈ رابن لیگ والی بال ٹورنمنٹ کا انعقاد

Source: S.O. News Service | By Jafar Sadique Nooruddin | Published on 29th November 2018, 12:18 AM | اسپورٹس |

حیدرآباد:28/نومبر (ایس او نیوز/آئی این ایس انڈیا)نظامت جسمانی تعلیم و کھیل کود، مولانا آزاد نیشنل اردو یونیورسٹی کے زیر اہتمام پہلے آزاد راؤنڈ رابن لیگ والی بال ٹورنمنٹ 2018 کا انعقاد یونیورسٹی اسپورٹس کمپلیکس میں عمل میں آیا۔ ایک روزہ ٹورنمنٹ کو ریڈ ہلز والی بال ٹیم نے جیت لیا۔ مہمانِ خصوصی ڈاکٹر محمد اسلم پرویز، وائس چانسلر مانو نے فاتح ریڈ ہلز ٹیم کو ٹرافی عطا کی۔ ٹیم کے اراکین کو گولڈ میڈل دیئے گئے۔ جبکہ ایم ایم ٹی ٹیم کے اراکین کو سلور میڈلس اور مانو ٹیم اراکین کو برونز میڈلس حاصل ہوئے۔ جناب محمد مجاہد علی، اسسٹنٹ ڈائرکٹر انچارج، ڈی پی ای اینڈ اسپورٹس نے بتایا کہ ٹورنمنٹ میں مانو، ایم ایم ٹی اور ریڈ ہلز کی ٹیموں نے حصہ لیا۔ابتداء پروفیسر شکیل احمد، پرو وائس چانسلر نے کہا کہ ہر ٹیم کو اپنی قابلیت کے مطابق اور کھیل کے جذبے کے ساتھ کھیلنا چاہیے۔ پروفیسر ابوالکلام، صدر نشین اسپورٹس مانیٹرنگ کمیٹی نے کھلاڑیوں کو اپنے رویہ میں زیادہ سے زیادہ شائستگی اور کھیل میں جوش و خروش کا مشورہ دیا۔ حصہ لینے والی ٹیم ایم ایم ٹی میں عادل، ایس نور، حسیب، مصعب، سلمان، ابراہیم، سلیم اور شیکھر شامل تھے۔ ریڈ ہلز ٹیم میں کے مہیندر، منان، ہاشم، زبیر، ریاض، سیف، علیم اور فیصل اور مانو کی ٹیم میں محمد قاسم، ارشاد احمد، اسد الرحمن، محمد امجدعلی، احتشام شاہد، ساجد مجید، محمد عابد خان، محمد شاہد، محمد حمزہ خان اور عبدالمقیت پر مشتمل تھی۔ پہلے میچ میں ریڈ ہلز ٹیم نے مانوکو25-23 اور 25-17 سے ہرایا، دوسرے میچ میں ریڈ ہلز ٹیم نے ایم ایم ٹی کو 25-20 اور 25-23 سے ہرایا۔ آخری لیگ میچ میں ایم ایم ٹی مانو کو 25-18 اور 26-24 سے ہرایا۔ فائنل میں ریڈ ہلز نے ایم ایم ٹی کو 25-18, 25-21 اور 26-24 سے ہرایا۔ ڈاکٹر حبیب اللہ، اسسٹنٹ ڈائرکٹر، ڈی پی ای اینڈ ایس نے شکریہ ادا کیا۔ جناب انیس اعظمی بھی اس موقع پر موجود تھے۔ 

ایک نظر اس پر بھی

گروسدھیندرا کالج بھٹکل اور جے جی کالج ہبلی نے جیتا کرناٹکا یونیورسٹی شٹل بیڈمنٹن زونل چمپئین کا خطاب؛ بھٹکل انجمن کو سوم مقام

یہاں انجمن ڈگری کالج بھٹکل کے زیراہتمام روٹری کلب میں منعقدہ دو روزہ کرناٹکا یونیورسٹی دھارواڑ سے ملحق کالجوں کے درمیان مردوں اور عورتوں کے زونل لیول شٹل بیڈمینٹن ٹورنامنٹ میں  شری گرو سدھیندرا کالج بھٹکل اور جے جی کالج  ہبلی نے زبردست پرفارمینس پیش کرتے ہوئے بالترتیب ...

ہبلی میں منعقدہ کرکٹ ٹورنامنٹ میں بھٹکل ٹیم کی زبردست کامیابی؛ ٹیم کی بھٹکل آمد پر شاندار استقبال

کرناٹکااسٹیٹ  کرکٹ اسوسی ایشن (KSCA) کے زیر اہتمام ہبلی میں منعقدہ چوتھے  زونل لیول کرکٹ ٹورنامنٹ میں بھٹکل سی سی نے  زبردست  جیت حاصل کی ہے، اس جیت  کے ساتھ ہی بھٹکل کے کرکٹ  کھلاڑی کامیابی کے پہلے زینہ  کو پارکرنے میں کامیاب ہوگئے ہیں ۔ جیت  حاصل کرنے کے بعد جب ٹیم بھٹکل ...

پانچویں ونڈے میں شاندار جیت کے ساتھ ہندوستان کا سیریز پر 1-4 سے قبضہ

مڈل آرڈر کے بلے باز امباٹی رائیڈو کی 90 رن کی شاندار اننگز اور آل راؤنڈر ہاردک پانڈیا (45 رن اور دو وکٹ) کی بہترین آل راونڈر کارکردگی کی بدولت ہندوستان نے نیوزی لینڈ کو پانچویں اور آخری ون ڈے میں آج 35 رن سے شکست دے کر پانچ میچوں کی سیریز 4-1 سے اپنے نام کرلی۔

دوسرے ٹی 20 میچ میں جنوبی افریقہ نے پاکستان کو 7 رنوں سے شکست دی

جنوبی افریقہ اور پاکستان کے درمیان تین ٹی 20 میچوں کی سیریز کے دوسرے میچ میں  کپتان ڈیوڈ ملر کی طوفانی اننگز اور اس کے بعد آخری اوورس میں گیند بازوں کی اچھی گیند بازی کی بدولت جنوبی افریقہ نے سنسنی خیز مقابلہ میں پاکستان کو7 رنوں سے شکست دی ۔ ساتھ ہی ساتھ جنوبی افریقہ نے ...

دبئی کے قریب عجمان میں منعقدہ نوائط پریمیر لیگ کرکٹ ٹورنامنٹ میں ڈی وی ایس یونائٹیڈ کی شاندار جیت؛ الکریمی چیلنجرس کو فائنل میں شکست

دبئی کے قریب عجمان کے  ایڈن گارڈن میدان میں منعقدہ ایز ٹیکس نوائط پرئمیر لیگ (این پی ایل)  کرکٹ کا پہلا ٹورنامنٹ  ڈی وی ایس یونائیٹید نے جیت لیا، جس کے ساتھ ہی  پانچ ٹیموں پر مشتمل یہ ٹورنامنٹ کامیابی کے ساتھ اختتام پذیر ہوا۔