انڈونیشیا میں شدید زلزلہ، کم ازکم 92ہلاک

Source: S.O. News Service | By Jafar Sadique Nooruddin | Published on 8th December 2016, 12:20 PM | عالمی خبریں |

کوالالمپور:7/دسمبر(ایس او نیوز/آئی این ایس انڈیا)انڈونیشا کے صوبے آچے میں آنے والے ایک شدید زلزلے کے نتیجے میں کم ازکم92افراد ہلاک ہو گئے ہیں۔ حکام کے مطابق اس زلزلے کے نتیجے میں سینکڑوں افراد زخمی بھی ہیں۔جرمن خبر رساں ادارے ڈی پی اے کے مطابق انڈونیشی جزیرے اسماٹرا کے حکام کے مطابق ریکٹر اسکیل پر اس زلزلے کی شدت 6.5ریکارڈ کی گئی اور اس کے باعث متعددمکانات تباہ ہو گئے۔ یہ زلزلہ سُماٹرا نامی جزیرے کے شمال میں آیا۔ بڑی تعداد میں زخمیوں کو علاقے کے واحد ہسپتال میں پہنچا دیا گیا ہے اور کہا جا رہا ہے کہ یہ زخمی ہسپتال کی گنجائش سے کہیں زیادہ ہیں۔ٹیلی وژن پر دکھائی جانے والی فوٹیج میں سب سے زیادہ متاثر ہونے والے علاقے پیڈی جایا میں عمارات کو منہدم دیکھا جا سکتا ہے، جن میں دکانیں اور مساجد بھی شامل ہیں۔ آچے کے فوجی کمانڈر میجر جنرل تاتانگ سلیمان نے ڈی پی اے کو بتایا کہ مقامی وقت کے مطابق بدھ کی سہ پہرتک ہلاکتوں کی تعداد92تک پہنچ چکی ہے۔انڈونیشیا کے ہنگامی حالات سے نمٹنے والے ادارے کے سربراہ سوتوپونوگروہو کے مطابق300کے قریب افراد زخمی ہیں، جن میں سے 73کی حالت تشویشناک ہے۔ ان کا مزیدکہناتھاکہ کم از کم 125 مکانات، 105 دکانیں اور 14 مساجد منہدم ہو گئیں۔انڈونیشی صوبے آچے میں سرچ اینڈ ریسکیو ایجنسی کے سربراہ سوئیتنو کے مطابق یہ خدشہ بھی موجود ہے کہ ابھی تک بہت سے لوگ منہدم شدہ عمارات کے ملبے تلے پھنسے ہوئے ہیں۔ ان کا کہنا تھا، بہت سے دکاندار اپنی ان دو منزلہ دکانوں میں ہی رہائش پذیر تھے، جو منہدم ہو گئی ہیں۔ ہم نے کھدائی کرنے والی تین بھاری مشینیں وہاں پہنچا دی ہیں تاکہ بھاری ملبے کو جلد سے جلد ہٹایا جا سکے۔انڈونیشیا کی نیشنل جیوفزکس ایجنسی کے مطابق مقامی وقت کے مطابق صبح پانچ بج کر تین منٹ پر آنے والے اس زلزلے کا مرکز پیڈی جایاسے18کلومیٹر شمال مشرق میں 10 کلومیٹر کی گہرائی میں واقع تھا۔سرِدست سُونامی کی وارننگ جاری نہیں کی گئی ہے۔بارہ سال پہلے آچے میں سمندر میں آنے والے ایک شدید زلزلے کے بعد سُونامی کے نتیجے میں ایک لاکھ ستّرہزارافرادہلاک ہو گئے تھے۔ تب ہمسایہ ملکوں تھائی لینڈ،سری لنکا اور بھارت میں بھی ہزارہا افراد جان سے گئے تھے۔

ایک نظر اس پر بھی

ماسکو کنسرٹ ہال حملے میں 143ہلاکتیں

روس کے دارالحکومت ماسکو میں ایک کنسرٹ ہال پر جمعہ کو ہونے والے حملے میں مرنے والوں کی تعداد بڑھ کر 143 ہوگئی ہے جبکہ 100 سے زائد افراد زخمی ہیں۔روس کی تحقیقاتی کمیٹی نے ہفتے کے روز یہ اطلاع دی۔ کمیٹی نے کہا کہ ایمرجنسی سروسز ماسکو اوبلاست میں کروکس سٹی ہال، دہشت گردانہ حملے کی جگہ ...

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...